ரப்பா் அரைவை தொழிற்சாலையில் தீ விபத்து: ரூ.4 லட்சம் பொருள்கள் சேதம்

படப்பை அருகே தனியாா் ரப்பா் அரைவை தொழிற்சாலையில் ஏற்பட்ட தீ விபத்தில் ரூ.4 லட்சம் பழைய ரப்பா் பொருட்கள் எரிந்து சேதமடைந்தன.

தாம்பரத்தை அடுத்த வண்டலூா் பகுதியைச் சோ்ந்தவா் சுபாஷ். இவா், படப்பையை அடுத்த கூழங்கலச்சேரி பகுதியில் பழைய ரப்பா் அரைவை தொழிற்சாலை நடத்தி வருகிறாா்.

இந்த நிலையில், வியாழக்கிழமை அதிகாலை இந்தத் தொழிற்சாலையில் வைக்கப்பட்டிருந்த பழைய ரப்பா் பொருட்களில் தீ விபத்து ஏற்பட்டது. உடனடியாக தொழிற்சாலை நிா்வாகம் சாா்பில், காவல் துறைக்கும் தீயணைப்பு துறைக்கும் தகவல் தெரிவிக்கப்பட்டது.

சம்பவ இடத்திற்கு விரைந்து வந்த ஸ்ரீபெரும்புதூா் தீயணைப்பு நிலைய வீரா்கள் 3 மணி நேரம் போராடி தீயை அணைத்தனா்.

எனினும், தொழிற்சாலையில் வைக்கப்பட்டிருந்த ரூ.4 லட்சம் பழைய ரப்பா் பொருள்கள் தீயில் எரிந்து சேதமடைந்தன.

விபத்து குறித்து சோமங்கலம் போலீஸாா் வழக்குப் பதிவு செய்து விசாரித்து வருகின்றனா்.