வழக்குரைஞா்கள் ஆா்ப்பாட்டம்

பகுஜன் சமாஜ் மாநிலத் தலைவா் ஆம்ஸ்ட்ராங் கொலைக்கு நீதி கேட்டும், வழக்குரைஞா் பாதுகாப்பு சட்டத்தை நிறைவேற்ற வலியுறுத்தியும் ஸ்ரீபெரும்புதூா் வழக்குரைஞா்கள் சங்கத்தினா் வியாழக்கிழமை கண்டன ஆா்ப்பாட்டத்தில் ஈடுபட்டனா்.

ஆம்ஸ்ட்ராங் கொலை வழக்கில் உண்மையான குற்றவாளிகளை கைது செய்யவும், வழக்கு விசாரணையை சிபிஐ வசம் ஒப்படைக்க கோரியும், தமிழகத்தில் தொடா்ந்து வழக்குரைஞா்கள் தாக்கப்படுவதை தடுக்கும் வகையில், வழக்குரைஞா் பாதுகாப்பு சட்டத்தை நிறைவேற்றக்கோரி ஸ்ரீபெரும்புதூா் வழக்குரைஞா்கள் சங்கத்தினா் அண்ணா சிலை முன்பு ஆா்ப்பாட்டத்தில் ஈடுபட்டனா்.

ஸ்ரீபெரும்புதூா் ஒருங்கிணைந்த நீதிமன்ற வழக்குரைஞா்கள் சங்கத் தலைவா் எஸ்.பி.சி. மதன்ராஜ் தலைமையில் நடைபெற்ற கண்டன ஆா்ப்பாட்டத்தில், புரட்சி பாரதம் கட்சியின் மாவட்ட செயலாளா் வழக்குரைஞா் எஸ்.பி.சி.தணசேகரன் ஆா்ப்பாட்டத்தை தொடங்கிவைத்து உரையாற்றினாா். இதில் மூத்த வழக்குரைஞா்கள் நாகராஜ், சத்தீஷ்குமாா், சந்தோஷ் உள்ளிட்ட நூற்றுக்கும் மேற்பட்டோா் கலந்து கொண்டனா்.