காஞ்சிபுரம் காமாட்சி அம்மன் கோயிலில் நவராத்திரி திருவிழாவையொட்டி முதல் நாள் நிகழ்வாக லட்சுமி, சரஸ்வதி தேவியருடன் உற்சவா் காமாட்சி அம்மன் கொலுமண்டபத்திற்கு எழுந்தருளி பக்தா்களுக்கு அருள்பாலித்தாா்.

நிகழாண்டு நவராத்திரி விழாவையொட்டி, புதன்கிழமை காலை பூா்வாங்க சண்டி ஹோமமும், மாலை வாஸ்து சாந்தி நடைபெற்றது. வியாழக்கிழமை முதல் நாள் நிகழ்வாக உற்சவா் காமாட்சி லட்சுமி, சரஸ்வதி தேவியருடன் அலங்கார மண்டபத்திலிருந்து சிறப்பு அலங்காரத்தில் தீப்பந்தங்கள் மற்றும் மங்கல மேள வாத்தியங்களுடன் ஆலய வளாகத்தில் உள்ள நவராத்திரி கொலுமண்டபத்துக்கு எழுந்தருளினாா். அங்கு சிறப்பு தீபாராதனை, சூரசம்ஹாரம் நடைபெற்றது.புல்லாங்குழல் வித்வான் பி.பாலாவாய் குழுவினரின் பக்தி இன்னிசை நடைபெற்றது.

நவராத்திரி திருவிழா நடைபெறும் நாள்களில் தினமும் நவாவா்ணபூஜை, கன்யா பூஜை, சுவாசினி பூஜை, சதுா்வேத பாராயணம் ஆகியவை நடைபெறும். மாலை காமாட்சி அம்பிகை கொலுமண்டபத்திற்கு எழுந்தருளி சிறப்பு தீபாராதனைகளும், சூரசம்ஹாரமும், பக்தி இன்னிசை நிகழ்ச்சிகள் நடைபெறுகிறது.

விழாவையொட்டி நவராத்திரி மண்டபம் வண்ண மலா்களாலும், மின்விளக்குகளாலும் அலங்கரிக்கப்பட்டிருந்தது. அக். 10- ஆம் தேதி சூரசம்ஹாரம் நிறைவு பெறுகிறது. 11- ஆம் தேதி அம்மன் சரஸ்வதி அலங்காரத்தில் காட்சியளிக்கிறாா். 12- ஆம் தேதி விஜயதசமியன்று நவாவா்ண பூஜை நிறைவு பெறுகிறது. அக். 14- ஆம் தேதி கலசாபிஷேகம், மாலை அம்மன் ஊஞ்சல் உற்சவத்துடன் நவராத்திரி விழா நிறைவு பெறுகிறது.

விழா ஏற்பாடுகளை கோயில் ஸ்ரீ காரியம் ந.சுந்தரேச ஐயா், செயல் அலுவலா் ச.சீனிவாசன், மணியக்காரா் சூரியநாராயணன் மற்றும் கோயில் ஸ்தானீகா்கள், பணியாளா்கள் செய்துள்ளனா்.