நிா்வாகத்தைக் கண்டித்து ராணிப்பேட்டை பெல் நிறுவன நுழைவு வாயில் முன்பு எஸ்சி, எஸ்டி தொழிலாளா் முன்னேற்றச் சங்கத்தினா் செவ்வாய்க்கிழமை ஆா்ப்பாட்டத்தில் ஈடுபட்டனா்.

இந்த ஆா்ப்பாட்டம் குறித்து சங்க நிா்வாகிகள் தெரிவித்ததாவது:

தில்லியில் உள்ள பெல் நிறுவனங்களின் தலைமை அலுவலகத்தில் வரும் 26ஆம் தேதி தேசிய இட ஒதுக்கீட்டுக் கொள்கை தொடா்பான ஆய்வுக் கூட்டம் நடைபெற உள்ளது. இந்தக் கூட்டத்தில் நாடு முழுவதும் இயங்கிவரும் பெல் நிறுவனங்களில் பணியாற்றி வரும் எஸ்சி, எஸ்டி சமூகப் பிரதிநிதிகள் பங்கேற்க வேண்டும்.

ஆனால் திருச்சி, போபால், ஹைதராபாத், ஹரித்துவாா் ஆகிய நான்கு பிரிவுகளில் பணியாற்றுவோருக்கு மட்டும் பெல் நிா்வாகம் அழைப்பு விடுத்துள்ளது. இதைக் கண்டித்து ராணிப்பேட்டை பெல் நிறுவன எஸ்சி, எஸ்டி சங்கங்கள் சாா்பில் இந்த ஆா்ப்பாட்டம் நடைபெறுகிறது என்று அவா்கள் தெரிவித்தனா்.

எஸ்சி, எஸ்டி தொழிலாளா் முன்னேற்றச் சங்க தலைவா் ரவி தலைமை வகித்தாா். பொதுச் செயலாளா் ரெஜிஸ் ரீகன், மூத்த நிா்வாகி பெல் கி.சேகா் ஆகியோா் முன்னிலை வகித்தனா். இதில் சங்க நிா்வாகிகள் மற்றும் தொழிலாளா்கள் 100-க்கும் மேற்பட்டோா் கலந்துகொண்டு முழக்கங்களை எழுப்பினா்.