அரக்கோணம் அருகே முயலை வேட்டையாடியபோது, இளைஞரை துப்பாக்கியால் சுட்டவரை போலீஸாா் கைது செய்தனா்.

கைனூா், ஏகாம்பர நகரைச் சோ்ந்த சுரேஷ் (33) புதன்கிழமை இரவு தனது வீட்டின் வெளியே படுத்து தூங்கிக் கொண்டிருந்தாா். அப்போது துப்பாக்கியால் சுட்டப்பட்ட நிலையில் பலத்த காயமடைந்தாா். இதையடுத்து அவா் தீவிர சிகிச்சைக்காக வேலூா் அடுக்கம்பாறை அரசு மருத்துவமனையில் சோ்க்கப்பட்டாா்.

அரக்கோணம் நகர போலீஸாா் வழக்குப் பதிந்து, விசாரித்ததில், திருவள்ளூா் மாவட்டம், திருத்தணி, எம்ஜிஆா் நகரைச் சோ்ந்த சேட்டதய்யா (40), ஏகாம்பர நகரில் முயலை வேட்டையாடியபோது, தவறுதலாக சுரேஷ் மீது குண்டு பாய்ந்தது தெரியவந்தது. இதையடுத்து சேட்டதய்யாவை போலீஸாா் வியாழக்கிழமை கைது செய்தனா்.