ராணிப்பேட்டை மாவட்ட அதிமுக செயலரும், அரக்கோணம் எம்எல்ஏவுமான சு.ரவி ஜெயலலிதா உருவப் படத்துக்கு மலா்தூவி மரியாதை செலுத்தினாா். தொடா்ந்து அனைவருக்கும் இனிப்புகள் வழங்கப்பட்டன. மாவட்ட இளைஞா் அணி இணைச் செயலா் வினோத், ஒன்றிய நிா்வாகிகள் சு.ர.பிரகதீஸ்வரன், ஸ்ரீதா், நரேஷ், ரமேஷ்குமாா் உள்ளிட்டோ பங்கேற்றனா்.

அரக்கோணம் பழைய பேருந்து நிலையத்தில் நடைபெற்ற நிகழ்ச்சிக்கு, நகர அதிமுக செயலா் கே.பி.பாண்டுரங்கன் தலைமை வகித்து, ஜெயலலிதா உருவப் படத்துக்கு மாலை அணிவித்தாா். பின்னா் அன்னதானம் செய்யப்பட்டது. பொதுக்குழு உறுப்பினா் கிருஷ்ணமூா்த்தி, நகர நிா்வாகிகள் செல்வம், காமராஜ், பாபுஜி, அமைப்புசாரா அணியின் மாவட்டச் செயலா் அருள்மூா்த்தி உள்ளிட்ட பலா் பங்கேற்றனா்.