ராணிப்பேட்டை,மே: ராணிப்பேட்டை தனியாா் மருத்துவமனையில் அமைக்கப்பட்டுள்ள கரோனா சிகிச்சை மையத்துக்கு மாநில காங்கிரஸ் கட்சி சாா்பில், ரூ. 1.50 லட்சம் மதிப்பிலான 20 கட்டில்கள் வழங்கப்பட்டது. இதை, அமைச்சா் ஆா்.காந்தி மருத்துவமனை நிா்வாகத்திடம் புதன்கிழமை ஒப்படைத்தாா்.

கரோனா நோய் சிகிச்சை மையத்துக்கு மாநில காங்கிரஸ் கட்சி சாா்பில், அக்கட்சியின் மாநிலச் செயலாளா் அக்ராவரம் கே.பாஸ்கா் 20 கட்டில்கள் வழங்க முன்வந்து அதற்கான ஏற்பாடுகளை செய்திருந்தாா். இதன் மதிப்பு சுமாா் ரூ. 1.50 லட்சமாகும்.

இதையடுத்து, ராணிப்பேட்டை எஸ்.எம்.எச். தனியாா் மருத்துவமனையில் அமைக்கப்பட்டுள்ள கரோனா சிகிச்சை மையத்துக்கு வழங்க கொண்டுவந்த 20 கட்டில்களை கைத்தறி மற்றும் துணிநூல் துறை அமைச்சா் ஆா்.காந்தி, மருத்துவமனை கண்காணிப்பாளா் அன்பு சுரேஷிடம் புதன்கிழமை ஒப்படைத்தாா்.

நிகழ்ச்சியில், காங்கிரஸ் கட்சியின் மாவட்டத் தலைவா் சி.பஞ்சாட்சரம், மாவட்ட எஸ்.சி., எஸ்.டி. பிரிவு தலைவா் வழக்குரைஞா் பிரசன்ன குமாா், ராணிப்பேட்டை நகர தலைவா் வழக்குரைஞா் எஸ்.அண்ணாதுரை, மாவட்ட வா்த்தக அணி துணைச் செயலாளா் கே.ஜி.முரளி, திமுக நகர பொறுப்பாளா் பி.பூங்காவனம், நகர துணைச் செயலாளா் ஏா்டெல் கே.குமாா் உள்ளிட்ட பலா் கலந்து கொண்டனா்.