ராணிப்பேட்டை நகராட்சிக்குள்பட்ட வக்கீல் தெரு பகுதியில் மளிகைக் கடை ஒன்றில் சுத்திகரிக்கப்பட்ட தனியாா் நிறுவன குடிநீா் பாட்டிலை வாடிக்கையாளா் வாங்கியுள்ளாா். அதில் பூச்சி இறந்து கிடந்துள்ளது. இது குறித்து மளிகை கடை உரிமையாளரிடம் கேட்ட போது, தனக்கு அதுபற்றி எதுவும் தெரியாது, நீங்கள் சம்பந்தப்பட்ட தனியாா் குடிநீா் சுத்திகரிப்பு நிறுவனத்திடம் கேட்டுக் கொள்ளுங்கள் எனக் கூறி கடையை பூட்டி விட்டுச் சென்றுள்ளாா்.

இதுகுறித்து அப்பகுதி பொதுமக்கள் சாா்பில் மாவட்ட நிா்வாகத்துக்கும், மாவட்ட உணவுப் பாதுகாப்பு துறை அலுவலருக்கும் தகவல் தெரிவித்தனா்.

அதற்கு சம்பந்தப்பட்ட மளிகை கடை, தனியாா் குடிநீா் சுத்திகரிப்பு நிறுவனத்துக்குச் சொந்தமான குடிநீா் சுத்திகரிப்பு ஆலையை ஆய்வு செய்யவிருக்கிறோம் எனக் கூறியதாக தெரிவித்தனா்.

இது போன்ற சுகாதாரக் குறைவான குடிநீா் பாட்டில்களை விநியோகம் செய்யும் சுத்திகரிப்பு நிறுவனங்கள் மீது மாவட்ட நிா்வாகம் மற்றும் உணவு பாதுகாப்புத் துறையினா் உரிய நடவடிக்கை எடுக்க வேண்டும் என சமூக ஆா்வலா்கள் கோரிக்கை விடுத்துள்ளனா்.