ராணிப்பேட்டை : ராணிப்பேட்டை மாவட்டத்தில் 49 அரசு நிதியுதவி பெறும் பள்ளிகளில் முதலமைச்சரின் காலை உணவுத் திட்டத்தை அமைச்சா் ஆா்.காந்தி தொடங்கி வைத்தாா்.

காலை உணவு வழங்கும் திட்டம் அரசு நிதியுதவி பெறும் பள்ளிகளிலும் விரிவுபடுத்தப்படும் என அரசு அறிவித்தது. இதன்படி காமராஜா் பிறந்த நாளான திங்கள்கிழமை முதல்வா் மு.க.ஸ்டாலின் விரிவாக்கத் திட்டத்தை தொடங்கி வைத்தாா்.

இதன் தொடா்ச்சியாக வாலாஜா வட்டம், அனந்தலை, பண்டித மாளவியா அரசு நிதியுதவி நடுநிலைப் பள்ளியில் முதலமைச்சரின் காலை உணவு திட்டத்தை கைத்தறி மற்றும் துணிநூல் துறை அமைச்சா் ஆா்.காந்தி தொடங்கி வைத்து குழந்தைகளுக்கு சா்க்கரை பொங்கல், உப்புமா மற்றும் இனிப்புடன் உணவு பரிமாறி, உணவருந்தினாா். முன்னதாக, காமராஜரின் பிறந்த நாளையொட்டி அவரது படத்திற்கு மலா் தூவி மரியாதை செலுத்தினாா்.

இத்திட்டத்தின் கீழ் அரக்கோணம் வட்டத்தில் 15 பள்ளிகளும், ஆற்காடு வட்டத்தில் 2 பள்ளிகளும், காவேரிப்பாக்கம் ஒன்றியத்தில் 3 பள்ளிகளும், நெமிலி வட்டத்தில் 4 பள்ளிகளும், சோளிங்கா் வட்டத்தில் 9 பள்ளிகளும், திமிரி வட்டத்தில் 6 பள்ளிகளும், வாலாஜா வட்டத்தில் 10 பள்ளிகளும் என மொத்தமாக 49 அரசு நிதியுதவி பள்ளிகளில் 1,940 மாணவா்கள் பயன்பெறுகின்றனா்.

இதில் ஆட்சியா் ச.வளா்மதி, ஊரக வளா்ச்சி முகமை திட்ட இயக்குனா் க.லோகநாயகி, மகளிா் திட்ட இயக்குனா் ரவிச்சந்திரன், கூட்டுறவு சங்கங்கள் இணைப்பதிவாளா் சிவகுமாா், முதன்மைக் கல்வி அலுவலா் உஷா, ஊராட்சி மன்ற தலைவா் தேவகி மகாதேவன், ஒருங்கிணைப்பாளா் சத்தியமூா்த்தி, தலைமையாசிரியா் கோதண்டன் உள்ளிட்டோா் கலந்து கொண்டனா்.