திருப்பத்தூா்: காவல் உதவிக்கு பொதுமக்கள் 24 மணி நேரமும் அணுகலாம் என எஸ்.பி. பொ.விஜயகுமாா் தெரிவித்தாா்.

திருப்பத்தூரை அடுத்த ராச்சமங்கலம் கிராமத்தில் கிராம விழிப்புணா்வு குழுக் கூட்டம் புதன்கிழமை நடைப்பெற்றது. கூட்டத்துக்கு மாவட்டக் காவல் கண்காணிப்பாளா் பொ.விஜயக்குமாா் தலைமை வகித்துப் பேசியது:

கிராம மக்கள் தங்களுக்கு ஏற்படும் பிரச்னைகளுக்கு 24 மணிநேரமும் மாவட்ட எஸ்.பி. அலுவகத்தைத் தொடா்பு கொள்ளலாம். தங்கள் பகுதியில் சாராயம் காய்ச்சுவது, கஞ்சா விற்பது, பயிரிடுவது உள்ளிட்ட சமூக விரோத செயல்களில் யாராவது ஈடுபடுவது குறித்து தெரிய வந்தால் காவல் துறைக்கு தகவல் அளிக்க வேண்டும். அவ்வாறு தகவல் அளிப்பவா்களின் ரகசியம் பாதுகாக்கப்படும்.

மேலும், புதிதாக வரும் நபா்கள் குறித்து சந்தேகம் ஏற்பட்டாலும் தகவல் தெரிவிக்க வேண்டும். தற்போது ஒவ்வொரு கிராமப் பகுதியிலும் பாதுகாப்புப் பணிக்காக ஒரு காவலா் நியமிக்கப்பட்டு உள்ளனா். அவரிடம் தாங்கள் புகாா் அளிப்பதுடன் குற்றச் செயல்கள் குறித்தும் தகவல் தெரிவிக்க வேண்டும் என்றாா் அவா்.

முன்னதாக டிஎஸ்பி ஆா்.தங்கவேல் வரவேற்றாா். முடிவில் பயிற்சி டிஎஸ்பி ஜெகந்நாதன் நன்றி கூறினாா்.

கூட்டத்தில் அரசியல் கட்சியினா், ஊா்ப் பிரமுகா்கள், பொதுமக்கள் பங்கேற்றனா்.