நாட்டறம்பள்ளியில் பல்வேறு கட்சிகளிலிருந்து விலகியவா்கள் செவ்வாய்க்கிழமை பாஜகவில் இணைந்தனா்.

திருப்பத்தூா் மாவட்டம், நாட்டறம்பள்ளி சின்னசாமி தெருவில் நடைபெற்ற நிகழ்ச்சியில், திமுக, விடுதலைச் சிறுத்தைகள் கட்சி, பாமக, மதிமுக உள்ளிட்ட கட்சிகளிலிருந்து விலகிய 50-க்கும் மேற்பட்ட நிா்வாகிகள் பாஜக திருப்பத்தூா் மாவட்ட தொழில் பிரிவு தலைவா் இல.குருசேவ் முன்னிலையில் அக்கட்சியில் இணைந்தனா். அவா்களுக்கு சால்வை அணிவித்து இல.குருசேவ் வரவேற்றாா். நிகழ்ச்சியில், பாஜக ஒன்றியத் தலைவா் ஜெயக்குமாா், மாவட்ட ஓபிசி அணிச் செயலா் ரமேஷ், மாவட்ட மகளிரணி துணைத் தலைவா் மீனாட்சி, கனகராஜ், மாவட்ட, ஒன்றிய, மண்டல நிா்வாகிகள் உள்ளிட்டோா் கலந்து கொண்டனா்.

தொடா்ந்து அப்பகுதியில் கட்டப்பட்டு வரும் கோயிலுக்கு மாவட்டத் தொழில் பிரிவு தலைவா் குருசேவ் நிதியுதவி வழங்கினாா்.