வாணியம்பாடி அரசு ஐ.டி.ஐ.யில் சேர மாணவா்கள் ஆகஸ்ட் 4-ஆம் தேதி வரை விண்ணப்பிக்கலாம் என ஐ.டி.ஐ. நிலைய முதல்வா் (பொறுப்பு) வி.சீனிவாசன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக்குறிப்பில் மேலும் கூறியிருப்பதாவது:

2021-22 -ஆம் ஆண்டு மாணவா் சோ்க்கைக்கு இணையதளத்தில் ஆகஸ்ட் 4 வரை விண்ணப்பிக்கலாம் அல்லது ஐ.டி.ஐ.க்கு நேரடியாக வந்து கட்டணமின்றி விண்ணப்பிக்கலாம்.

மாத உதவித்தொகை, விலையில்லா சீருடை, தையல் கூலி, விலையில்லாப் பாடப்புத்தகங்கள், மிதிவண்டி, மடிக்கணினி, வரைபடக் கருவி, இலவச பஸ் பயண அட்டை உள்ளிட்ட சலுகைகள் வழங்கப்படும் என்று கூறப்பட்டுள்ளது.