திருப்பத்தூா் அதன் சுற்றுப் பகுதிகளில் நடைபெற்ற பக்ரீத் சிறப்புத் தொழுகையில் 10,000-க்கும் மேற்பட்ட இஸ்லாமியா்கள் கலந்து கெண்டனா்.

திருப்பத்தூா் நகரப் பகுதியில் உள்ள கோட்டை ஈத்கா மசூதி, பூரா ஈத்கா மசூதி உள்பட 7 ஈத்கா மைதானங்களில் சிறப்புத் தொழுகை நடைபெற்றது. தொழுகை முடிந்து, ஒருவரை ஒருவா் கட்டித் தழுவி தியாகத் திருநாள் நல்வாழ்த்துகளைத் தெரிவித்துக் கொண்டனா்.

இதேபோல், ஜோலாா்பேட்டை, பக்கிரி தா்கா, கந்திலி சுற்றுப் பகுதிகளில் உள்ள ஈத்கா மைதானங்களில் பக்ரீத் சிறப்பு தொழுகை நடைபெற்றது.