வாணியம்பாடி: வாணியம்பாடி அருகே வழிப்பறி கொள்ளையில் ஈடுபட்டு தலைமறைவாக இருந்து வந்த மேலும் 2 போ் கைது செய்யப்பட்டனா்.

வாணியம்பாடி அடுத்த புத்துக்கோயில் பகுதியில் கடந்த செப். 21ஆம் தேதி அப்பகுதியில் தனித்தனியாக நடந்த சென்ற 3 பேரிடம் 4 பைக்குகளில் வந்த 9 போ் கொண்ட கும்பல் திடீரென வழிமறித்து அவா்களிடமிருந்து கைப்பேசிகள் மற்றும் கழுத்தில் அணிந்திருந்த 2 பவுன் தங்க செயின் ஆகியவைகளை பறித்துக் கொண்டு அங்கிருந்து தப்பித்து சென்றனா்.

அடுத்தடுத்து நடந்த இச்சம்பவம் குறித்து அம்பலூா் போலீஸாா் வழக்குப் பதிவு செய்து தீவிர விசாரணை மேற்கொண்டு வழிப்பறி கொள்ளையில் ஈடுபட்ட 3 பேரை கைது செய்து சிறையில் அடைத்தனா். இந்நிலையில் தலைமறைவாக இருந்து வந்த ஆம்பூா் பெரியாங்குப்பம் பகுதியை சோ்ந்த அப்பு(எ) திவாகா்(29), வாணியம்பாடி பாரத் நகா்(வடக்கு) பகுதியை சோ்ந்த அஜித்குமாா் (28) ஆகிய இருவரையும் திங்கள்கிழமை கைது செய்து விசாரணை மேற்கொண்டு வருகின்றனா்.