நாட்டறம்பள்ளி பேரூராட்சிக்குட்பட்ட 15 வாா்டுகளில் பகுதி சபைக் கூட்டங்கள் பேரூராட்சித் தலைவா் சசிகலா சூரியகுமாா் தலைமையில் நடைபெற்றது. செயல் அலுவலா் சம்பத் குமாா் முன்னிலை வகித்தாா். துணைத் தலைவா் தனபால் வரவேற்றாா். சிறப்பு அழைப்பாளராக மாவட்ட ஊராட்சித் தலைவா் சூரியகுமாா் கலந்து கொண்டாா்.

கூட்டங்களில் தங்களது பகுதிகளுக்கு அடிப்படை வசதிகளான சாலை, கால்வாய், மின்விளக்கு கோரிக்கை பொதுமக்கள் முன்வைத்தனா்.

மேலும் 1-ஆவது வாா்டுக்குட்பட்ட அண்ணா தெருவில் தாா் சாலை வேண்டும் என்று பல ஆண்டுகளாக அப்பகுதி மக்கள் வைத்த கோரிக்கையை ஏற்று பேரூராட்சி நிா்வாகம் சாா்பில் ரூ.1.09 கோடியில் தாா் சாலை அமைக்கப்பட்டதற்கு அப்பகுதி மக்கள் பேரூராட்சி நிா்வாகத்துக்கு நன்றி தெரிவித்தனா். இதில் வாா்டு உறுப்பினா்கள், பொதுமக்கள் கலந்து கொண்டனா்.