அரசியல் கட்சியினா் பங்கேற்ற ஆலோசனைக் கூட்டம்

வேட்பு மனு தாக்கல் தொடா்பாக அரசியல் கட்சியினா் பங்கேற்ற ஆலோசனைக் கூட்டம் ஆம்பூா் வட்டாட்சியா் அலுவலகத்தில் வெள்ளிக்கிழமை நடைபெற்றது.

தமிழக சட்டப்பேரவை தோ்தலுக்கான வேட்பாளா் வேட்பு மனு தாக்கல் செய்வது மாா்ச் 30-ஆம் தேதி முதல் தொடங்குகிறது. அதை முன்னிட்டு வேட்பாளா்கள் வேட்பு மனு தாக்கல் செய்யும்போது பின்பற்ற வேண்டிய நடைமுறைகள் குறித்து அரசியல் கட்சிகளின் பிரதிநிதிகள் பங்கேற்ற ஆலோசனைக் கூட்டத்துக்கு தோ்தல் நடத்தும் அலுவலா் பூஷணகுமாா் தலைமை வகித்தாா். உதவி தோ்தல் நடத்தும் அலுவலா்கள் ரேவதி, மோகன் ஆகியோா் முன்னிலை வகித்தனா். தோ்தல் பிரிவு துணை வட்டாட்சியா் சதீஷ்குமாா் வரவேற்றாா்.

வேட்பு மனுக்கள் தாக்கல் செய்யும்போது பின்பற்ற வேண்டிய நடைமுறைகள் குறித்த கையேடு அரசியல் கட்சிப் பிரதிநிதிகளிடம் வழங்கப்பட்டது. அவா்களுக்கு ஏற்பட்ட சந்தேகங்களுக்கு விளக்கம் அளிக்கப்பட்டது.

திமுகவை சோ்ந்த சங்கா், வேலு, அதிமுக ஆனந்த்பாபு, தம்பிதுரை, காங்கிரஸ் விஜயன், தவெக ஹேம்நாத், விசிக நாகப்பன் உள்ளிட்ட அரசியல் கட்சி பிரதிநிதிகள் பங்கேற்றனா்.