திருத்தணி ஒன்றியம், பெரிய கடம்பூர் ஊராட்சி ஒன்றிய தொடக்கப்பள்ளியில் எம்ஜிஆர் நூற்றாண்டு விழா திங்கள்கிழமை நடைபெற்றது.
நிகழ்ச்சிக்கு பள்ளியின் தலைமை ஆசிரியர் ஞானசேகரன் தலைமை வகித்தார். ஐந்தாம் வகுப்பு மாணவர் சந்தோஷ், எம்ஜிஆர் போல் வேடமிட்டு அனைவரது பாராட்டையும் பெற்றார். இடைநிலை ஆசிரியர் கோகுலராஜ் எம்ஜிஆர் உள்பட பல குரலில் பேசி, விழாவில் கலந்து கொண்ட பெற்றோர்களையும், பொதுமக்களையும் மகிழ்ச்சியில் ஆழ்த்தினார்.
இதைத்தொடர்ந்து, எம்ஜிஆரின் சிறப்புகள், அவரது தொண்டுகள் குறித்து விளக்கி கூறப்பட்டது. விழா நிறைவில் மாணவர் சந்தோஷுக்கு பரிசு வழங்கப்பட்டது.