திமுக செயல் தலைவர் மு.க.ஸ்டாலினின் பிறந்த நாளையொட்டி, மாதவரத்தை அடுத்த லட்சுமிபுரத்தில்  திங்கள்கிழமை நல உதவிகள் வழங்கப்பட்டன.
திமுக சார்பில், மாதவரத்தை அடுத்த லட்சுமிபுரம் 32-வது வட்டத்தில் , பொதுக்கூட்டம் மற்றும் நல உதவிகள் வழங்கும் விழா நடைபெற்றது. கூட்டத்துக்கு, மாதவரம் எம்எல்ஏ எஸ்.சுதர்சனம் தலைமை வகித்தார். மாதவரம் தெற்கு பகுதி செயலாளர் ஜி.துக்காராம் முன்னிலை வகித்தார். 32-வது வட்டச் செயலாளர் மு.குட்டிமோகன் வரவேற்றார். கட்சிப் பேச்சாளர் புதுக்கோட்டை விஜயா சிறப்புரையாற்றினர். விழாவில், ஏழை, எளிய மக்களுக்கு தையல் இயந்திரங்கள், இஸ்திரி பெட்டிகள், இலவச வேட்டி , சேலைகள் உள்ளிட்ட பல்வேறு நல உதவிகள் வழங்கப்பட்டன. இதில், மாவட்ட துணைச் செயலாளர் ராமகிருஷ்ணன், அரி உள்ளிட்ட கட்சி நிர்வாகிகள் பலர் கலந்து கொண்டனர்.
கட்சியின் 32-வது வட்ட துணைச் செயலாளர் ஜெ.ஜி.தசரதன்நன்றி கூறினார்.