சென்னை புழல் ஜெயின் வித்யாஸ்ரம் பள்ளி வளாகத்தில் நடைபெற்று வந்த என்.சி.சி. பயிற்சி முகாம் திங்கள்கிழமை நிறைவுற்றது.
சென்னை புழல் ஜெயின் வித்யாஸ்ரம் பள்ளி வளாகத்தில் என்.சி.சி. பயிற்சி முகாம் கடந்த 10 நாள்களாக நடைபெற்று வந்தது. இதில், 10-க்கும் மேற்பட்ட பள்ளிகள் மற்றும் கல்லூரிகளில் இருந்து 500-க்கும் மேற்பட்ட மாணவ - மாணவிகள் பள்ளி வளாகத்தில் தங்கி, அணிவகுப்பு, துப்பாக்கி சுடுதல், யோகா, நன்னடத்தை உள்ளிட்ட பல்வேறு பயிற்சிகளைப் பெற்றனர். 
முகாமில் பங்கேற்ற மாணவ-மாணவிகள் திங்கிள்கிழமை பயிற்சியை நிறைவு செய்தனர். பயிற்சி முகாமுக்கு, பள்ளிச் செயலர் ராஜ்சோர்டியா தலைமை வகித்தார். இதில், ஆசிரியர்கள், ஆசிரியைகள், மாணவ-மாணவிகள் உள்ளிட்ட பலர் கலந்து கொண்டனர்.