கும்மிடிப்பூண்டி ஒன்றியத்திற்கு உட்பட்ட 61 ஊராட்சிகளில் காந்தி ஜெயந்தியை ஒட்டி சிறப்பு கிராம சபை கூட்டம் புதன்கிமை நடைபெற்றது.

கும்மிடிப்பூண்டி அடுத்த புதுகும்மிடிப்பூண்டியில் நடைபெற்ற கிராம சபை கூட்டத்திற்கு ஊராட்சி செயலாளா் சிட்டிபாபு தலைமை தாங்கினாா். கூட்டத்தில் ஊராட்சி சாா்பாக முக்கிய பகுதிகளில்ல கண்காணிப்பு கேமிரா வைப்பது, புதுகும்மிடிப்பூண்டி அருகே புறவழிச்சாலை மேம்பால பணியை விரைந்து முடித்தல் போன்ற கோரிக்கைகள் தீா்மானமாக இயற்றப்பட்டதது.

கவரப்பேட்டையில் நடைபெற்ற கீழ்முதலம்பேடு கிராம சபை கூட்டத்திற்கு ஊராட்சி செயலாளா் சாமுவேல் தலைமை தாங்கினாா். சிறப்பு அழைப்பாளராக கும்மிடிப்பூண்டி வட்டார வளா்ச்சி அலுவலா் அருள் பங்கேற்றாா். எஸ்.ஆா்.கண்டிகை ஊராட்சி கோபால்ரெட்டி கண்டிகை பகுதியில் நடைபெற்ற கிராம சபை கூட்டத்திற்கு ஊராட்சி செயலாளா் கா்ணன் தலைமை தாங்கினாா். வட்டார வளா்ச்சி அலுவலா் சாமிநாதன் சிறப்பு அழைப்பாளராக பங்கேற்றாா். நிகழ்வில் கோபால் ரெட்டி கண்டிகை பகுதியில் சுடுகாடு வசதி ஏற்படுத்த பொதுமக்கள் கோரிக்கை வைத்தனா். ஆரம்பாக்கத்தில் ஊராட்சி செயலாளா் முரளி தலைமையில் நடைபெற்ற கிராமசபை கூட்டத்தில் போக்குவரத்து துறை அதிகாரிகள் பங்கேற்றனா்.நிகழ்வில் ஆரம்பாக்கத்தில் இயங்கி நிறுத்தப்பட்ட டி-42 நகர பேருந்து சேவையை மீண்டும் இயக்கவும், ஆரம்பாக்கம் முதல் பழவேற்காடு வரை பேருந்து சேவை கோரியும் கோரிக்கைகள் வைக்கப்பட்டது.

புதுவாயலில் ஊராட்சி செயலாளா் பாண்டியன் தலைமையிலும், பெருவாயலில் ஊராட்சி செயலாளா் பிரபு தலைமையிலும், பாத்தப்பாளையத்தில் ஊராட்சி செயலாளா் ஸ்டீபன் தலைமையிலும், சிறுபுழல்பேட்டையில் ஊராட்சி செயலாளா் மூா்த்தி தலைமையிலும், பெத்திக்குப்பத்தில் ஊராட்சி செயலாளா் செல்வம் தலைமையிலும், பெரிய ஓபுளாபுரத்தில் ஊராட்சி செயலாளா் நாராயணன் தலைமையிலும் ரெட்டம்பேட்டில் ஊராட்சி செயலாளா் குருமூா்த்தி தலைமையிலும், நாயுடுகுப்பத்தில் ஊராட்சி செயலாளா் சோபன்பாபு தலைமையிலும், தோக்கம்மூரில் ஊராட்சி செயலாளா் மூா்த்தி தலைமையிலும் கிராம சபை கூட்டம் நடைபெற்றது.

பூவலையில் புறக்கணிப்பு- பூவலை ஊராட்சியில் அப்பகுதியில் சுடுகாட்டு ஆக்ரமிப்பை மீட்டு சுடுகாட்டு பாதையை ஏற்படுத்தி தர தவறிய வருவாய் துறையை கண்டித்து அப்பகுதி மக்கள் கிராம சபை கூட்டத்தை புறக்கணித்தனா்.