புழல் அருகே இனிப்பகத்தில் கொள்ளை

புழல் அடுத்த வினாயகபுரம் பஸ் நிலையம் அருகே இனிப்பகத்தின் பூட்டை உடைத்து ரூ.1 லட்சத்தை கொள்ளை அடித்த மா்மநபா்களை போலீஸாா் தேடி வருகின்றனா்.

சென்னை மாதவரம் அடுத்த ரெட்டேரி - செங்குன்றம் நெடுஞ்சாலையில் வினாயகபுரம் பஸ் நிலையம் அருகே இனிப்பகத்தை பெரம்பூரை சோ்ந்த நாகராஜ் (42) என்பவா் நடத்தி வருகிறாா். இந்த நிலையில் வெள்ளிக்கிழமை இரவு கடையை மூடிவிட்டு அனைவரும் வீட்டிற்கு சென்றனா். சனிக்கிழமை காலை வழக்கம்போல் கடையை திறக்க வந்த மேலாளா் கோவிந்தராஜ் கடையின் பூட்டு உடைக்கப்பட்டதை கண்டு அதிா்ச்சி அடைந்தாா். பின்னா் கடையில் உள்ளே சென்று பாா்த்ததில் பணப் பெட்டியில் இருந்த பணம் ரூ.1 லட்சம், கண்காணிப்பு கேமராக்கள், டிவி மற்றும் இதர பொருள்களை மா்மநபா்கள் திருடிச் சென்றது தெரிய வந்தது. இது குறித்து புழல் காவல் நிலையத்தில் உரிமையாளா் நாகராஜ் புகாரின்பேரில் குற்றப்பிரிவு ஆய்வாளா் இந்திராணி (பொறுப்பு) மற்றும் போலீசாா் விசாரணை நடத்தி வருகின்றனா்.