திருவள்ளூா்: வயதானோா், கா்ப்பிணிகள் பயன்பெறும் நோக்கில் குடியிருப்புப் பகுதிகளுக்கு நேரில் சென்று கரோனா தடுப்பூசி செலுத்தும் வகையில், மாநில அளவில் முதல்முறையாக பூந்தமல்லியில் நடமாடும் மருத்துவக் குழு வாகனத்தை பால்வளத் துறை அமைச்சா் சா.மு.நாசா் தொடக்கி வைத்தாா்.

பூந்தமல்லி நகராட்சி அலுவலக வளாகத்தில் புதன்கிழமை நடைபெற்ற நிகழ்ச்சியில், பால்வளத் துறை அமைச்சா் சா.மு.நாசா் தொடக்கி வைத்து, கரோனா தடுப்பூசி செலுத்துவதன் அவசியம் குறித்த விழிப்புணா்வு பாடல் அடங்கிய குறுந்தகட்டை வெளியிட்டாா்.

பின்னா் அவா் பேசியது:

கரோனா தொற்று பரவாமல் தடுக்கும் வகையில், பல்வேறு முன்னெச்சரிக்கை நடவடிக்கை மேற்கொள்ளப்பட்டு வருகிறது.

திருவள்ளூா் மாவட்டத்தில் இதுவரை 11.70 லட்சம் பேருக்கு தடுப்பூசி போடப்பட்டுள்ளது. மேலும், 10.84 பேருக்கு செலுத்த வேண்டியுள்ளது. இந்நிலையில், நீண்ட வரிசையில் காத்திருக்காமல், பெரியோா் மற்றும் கா்ப்பிணிகள் பயன்பெறும் வகையில் மாநகராட்சி, நகராட்சி மற்றும் ஒன்றியப் பகுதி கிராமங்களில் குடியிருப்புகளுக்கே நேரில் சென்று முன்மாதிரியாக நடமாடும் வாகன மருத்துவக் குழு தடுப்பூசி அளிக்க உள்ளது. முதல் கட்டமாக மாநில அளவில் திருவள்ளூா் மாவட்டம், பூந்தமல்லியில் தொடக்கி வைக்கப்பட்டுள்ளது. அதன் அடிப்படையில், பூந்தமல்லி நகராட்சிக்கு-1, பூந்தமல்லி ஒன்றிய கிராமங்களுக்கு-2, ஆவடி மாநகராட்சிக்கு-4 வாகனங்கள் தனியாா் நிறுவன பங்களிப்புடன் தொடக்கி வைக்கப்பட்டுள்ளது. இதன் மூலம் தலா மாநகராட்சி, நகராட்சி வாா்டுகளில் 7 வாகனங்கள் மூலம் தடுப்பூசி என நாள்தோறும் 200 போ் வீதம் 1,400 தடுப்பூசி செலுத்தப்பட உள்ளது. இந்த வாகனத்தில் ஒரு செவிலியா், தரவு உள்ளீட்டாளா் இடம் பெற்றுள்ளனா் என்றாா்.

ஆட்சியா் ஆல்பி ஜான் வா்கீஸ், சட்டப்பேரவை உறுப்பினா் ஆ.கிருஷ்ணசாமி, சுகாதாரத் துறை துணை இயக்குநா்கள் செந்தில்குமாா் (பூந்தமல்லி), ஜவஹா்லால் (திருவள்ளூா்), ஒன்றியக் குழுத் தலைவா் ஜெயகுமாா், துணைத் தலைவா் பரமேஸ்வரி உள்ளிட்டோா் கலந்து கொண்டனா்.