தூய்மை விழிப்புணா்வு ஓவியப் போட்டி

திருவள்ளூா் நகராட்சிக்குள்பட்ட பகுதிகளில் என் குப்பை என் பொறுப்பு குறித்து விழிப்புணா்வை ஏற்படுத்தும் வகையில் நடைபெற்ற ஓவியப் போட்டியில் மாணவ, மாணவிகள் பலா் பங்கேற்றனா்.

திருவள்ளூா் நகராட்சியில் 27 வாா்டுகள் உள்ளன. இந்த வாா்டுகளில் நாள்தோறும் சேகரிக்கும் குப்பைகளை மக்கும், மக்காத குப்பைகளாகத் தரம் பிரித்து வழங்கும் வகையில், என் குப்பை-என் பொறுப்பு குறித்து பொதுமக்கள் மற்றும் மாணவ, மாணவிகளுக்கு பல்வேறு வகைகளில் விழிப்புணா்வு ஏற்படுத்தப்பட்டு வருகிறது. அந்த வகையில், திருவள்ளூா் ஜெயின் நகா், பெரியகுப்பம் பேருந்து நிலையம் ஆகிய பகுதிகளில் நகரங்களுக்கான மக்கள் இயக்கம் சாா்பில், என் குப்பை - என் பொறுப்பு என்ற அடிப்படையில் தீவிர தூய்மைப் பணிகள், விழிப்புணா்வை ஏற்படுத்தும் நிகழ்ச்சி வியாழக்கிழமை நடைபெற்றது.

இதில், ஜெயின் நகா் தனியாா் மேல்நிலைப் பள்ளி பகுதியில் நடைபெற்ற நிகழ்ச்சிக்கு, நகராட்சி ஆணையா் ராஜலட்சுமி தலைமை வகித்து, மக்கும் குப்பை, மக்காத குப்பையைத் தரம் பிரித்து வழங்க வேண்டும் என விழிப்புணா்வை ஏற்படுத்தினாா். இது தொடா்பாக மாணவ, மாணவிகளுக்கு ஓவியப் போட்டி நடத்தப்பட்டது. அப்போது, அந்தப் பகுதியில் உள்ள குப்பைகளை சுத்தம் செய்து, சுண்ணாம்பு பூசிய சுற்றுச்சுவரில் மாணவிகள் ஆா்வத்துடன் ஓவியப் போட்டியில் பங்கேற்று பல்வேறு வண்ண ஓவியங்களை வரைந்தனா். பின்னா், பள்ளி மாணவிகள் என் நகரம் என் பெருமை. என் நகரத்தை தூய்மையாகவும், சுத்தமாகவும் வைத்திருப்பது எனது கடமை என்பது குறித்த உறுதிமொழியை எடுத்துக் கொண்டனா்.

நகராட்சி சுகாதார அலுவலா் கோவிந்தராஜ், தூய்மை இந்தியா திட்டத்தின் மேற்பாா்வையாளா் ரவி உள்ளிட்ட நகராட்சிப் பணியாளா்கள் கலந்து கொண்டனா்.