அம்பேத்கா் பிறந்த நாள் பேச்சுப் போட்டி: சிறப்பிடம் பெற்றவா்களுக்கு பரிசுகள்

திருவள்ளூா் மாவட்டத்தில் அம்பேத்கா் பிறந்த நாளையொட்டி, நடைபெற்ற பேச்சுப் போட்டியில் வெற்றி பெற்ற மாணவா்களுக்கு காசோலை மற்றும் சான்றிதழ்களை மாவட்ட ஆட்சியா் ஆல்பி ஜான் வா்கீஸ் வழங்கினாா்.

மாவட்ட ஆட்சியா் அலுவலக வளாகத்தில் தமிழ் வளா்ச்சித் துறை சாா்பில், பள்ளி, கல்லூரி மாணவா்களுக்கான இந்தப் பேச்சுப் போட்டி கடந்த 19.4.2022 என்று நடைபெற்றது. போட்டியில் வெற்றி பெற்றவா்களுக்கான பரிசுகள் வழங்கும் நிகழ்ச்சி வெள்ளிக்கிழமை நடைபெற்றது.

புழல் அரசு மேல்நிலைப் பள்ளி மாணவி த.கீா்த்திகா முதல் பரிசாக ரூ.5,000, புன்னப்பாக்கம் ஊராட்சி ஒன்றிய நடுநிலைப் பள்ளி மாணவா் வினோத்குமாா் இரண்டாம் பரிசுத் தொகை ரூ.3,000, காக்களூா் சி.சி.சி. மெட்ரிக் மேல்நிலைப் பள்ளி மாணவி சா.ஷெக்கினாஷரேன் மேரி ரூ.2,000 பெற்றனா்.

கொமக்கம்பேடு அரசு உயா்நிலைப் பள்ளி மாணவி கோபிகா, அலமாதி அரசு உயா்நிலைப் பள்ளி மாணவி ராதிகா ஆகிய 2 பேருக்கு சிறப்புப் பரிசாக ரூ.2,000 வழங்கப்பட்டது.

கல்லூரி மாணவா்களுக்கான போட்டியில் முதல் பரிசு பட்டாபிராம் தருமமூா்த்தி ராவ் பகதூா் கலவல கண்ணன் செட்டி இந்து கலைக் கல்லூரி மாணவி வை.ராகவி ரூ.5,000, இரண்டாம் பரிசு பட்டாபிராம் ஆலிம் முகமது சாலிக் பொறியியல் கல்லூரியைச் சோ்ந்த மாணவி ர.பிரியதா்ஷினிக்கு ரூ.3,000, மூன்றாம் பரிசாக வேப்பம்பட்டு ஸ்ரீராம் கலைக் கல்லூரி மாணவி மு.மஞ்சுளாவுக்கு ரூ.2,000 வழங்கப்பட்டது. இவா்கள் அனைவருக்கும் பாராட்டுச் சான்றிதழ்களை ஆட்சியா் வழங்கினாா்.