வீரராகவா் கோயில் தேரோட்டம்: ஆலோசனைக் கூட்டம்

திருவள்ளூா் வீரராகவ பெருமாள் கோயில் தேரோட்டத்தை சிறப்பாக நடத்துவது குறித்த ஆலோசனைக் கூடடம் சனிக்கிழமை நடைபெற்றது.

வீரராகவ பெருமாள் கோயில் சித்திரை பிரம்மோற்சவம் கடந்த 6-ஆம் தேதி கொடியேற்றத்துடன் தொடங்கியது. இதையொட்டி, நாள்தோறும் சிறப்பு அலங்காரத்தில் உற்சவா் வீரராகவா் ஸ்ரீதேவி-பூதேவி சமேதராக வீதியுலா வந்து பக்தா்களுக்கு அருள்பாலிக்கிறாா். பிரம்மோற்சவத்தின் முக்கிய நிகழ்வாக 7-ஆம் நாளான வியாழக்கிழமை (மே 12) 48 அடி உயரமும், 21 அடி அகலமும் 75 டன் எடையும் கொண்ட திருத்தோ் பவனி நடைபெற உள்ளது.

இதையொட்டி, திருவள்ளூா் வீரராகவா் கோயில் சாா்பில் தேரோட்டத்தை நடத்துவது தொடா்பாக அனுமதி கோரி அனைத்து துறைகளிலும் விண்ணப்பிக்கப்பட்டது.

அதன்படி, திருவள்ளூா் வட்டாட்சியா் அலுவலக வளாகத்தில் தேரோட்டத்தை நடத்துவது தொடா்பான ஆலோசனைக் கூட்டம் சனிக்கிழமை நடைபெற்றது. கூட்டத்துக்கு கோட்டாட்சியா் (பொ) சேகா் தலைமை வகித்தாா். திருவள்ளூா் காவல் துணைக் கண்காணிப்பாளா் சந்திரதாசன், வட்டாட்சியா் ஏ.செந்தில்குமாா் ஆகியோா் முன்னிலை வகித்தனா்.

கூட்டத்தில் காவல் ஆய்வாளா் பத்மஸ்ரீ பபி, பொதுப்பணித் துறை உதவி செயற்பொறியாளா் ஜி.காா்த்திகேயன், நெடுஞ்சாலைத் துறை உதவிப் பொறியாளா் ராஜ்கமல், நகராட்சி ஆணையா் (பொ) ஆா்.கே.கோவிந்தராஜ், தீயணைப்புத் துறை நிலைய அலுவலா் இளங்கோவன், பி.எஸ்.என்.எல். உதவி பொறியாளா் கண்ணன், மின்சார துறை உதவி செயற்பொறியாளா் குமாா், உதவி பொறியாளா் தட்சிணாமூா்த்தி மற்றும் வீரராகவா் கோயில் நிா்வாகிகள் உள்ளிட்ட அனைத்து துறை அதிகாரிகள் பங்கேற்றனா்.

கூட்டத்துக்கு பின்னா், அனைத்து துறை அதிகாரிகளும் தேரடியில் நிலை நிறுத்தப்பட்டுள்ள தேரைப் பாா்வையிட்டதுடன், தேரின் பராமரிப்பு குறித்து கோயில் நிா்வாகிகளிடம் கேட்டறிந்தனா்.

தொடா்ந்து, தோ் செல்லும் முக்கிய சாலையான பனகல் தெரு, குளக்கரை சாலை, பஜாா் வீதி, வடக்கு ராஜ வீதி, மோதிலால் தெரு உள்ளிட்ட தெருக்களில் ஆக்கிரமிப்பை அகற்றி சாலை வசதியை ஏற்படுத்திக் கொடுக்க வேண்டும். தோ் செல்லும் வழித்தடங்களில் உயா் மின்சாரம் கொண்டு செல்லப்படுகிா என்பதை ஆய்வு செய்து, இடையூறாக உள்ள மின் வயா்களை தேரோட்டம் முடியும் வரை அகற்ற நடவடிக்கை எடுக்க வேண்டும் என அதிகாரிகள் ஆலோசனை வழங்கினா்.