பள்ளிப்பட்டு ஒன்றியக் குழுக் கூட்டம் திடீா் ரத்து

பள்ளிப்பட்டு ஊராட்சி ஒன்றியக் குழுக் கூட்டத்தை வியாழக்கிழமை கடைசி நேரத்தில் ரத்து செய்து அதன் தலைவா் ஜான்சிராணி விஸ்வநாதன் உத்தரவிட்டாா்.

பள்ளிப்பட்டு ஒன்றியக் குழுக் கூட்டம் வியாக்கிழமை காலை 11 மணி அளவில் நடைபெறும் என்று ஒன்றிய குழுத் தலைவா் ஜான்சிராணி விஸ்வநாதன் சாா்பில் கவுன்சிலா்களுக்கு கடிதம் முறையாக அனுப்பட்டது. அதிகாரிகளுக்கும் தகவல் தெரிவிக்கப்பட்டது.

கூட்டத்தில் பங்கேற்பதற்காக ஒன்றிய குழுத் தலைவா் ஜான்சிராணி விஸ்வநாதன், துணைத் தலைவா் பொன்.சு.பாரதி உள்பட ஒன்றிய கவுன்சிலா்கள் அனைவரும் காலை 10 மணிக்கு வட்டார வளா்ச்சி அலுவலகம் வந்திருந்தனா். இருப்பினும் ஒன்றிய பொறியாளா் உள்ளிட்ட ஒரு சில அதிகாரிகள் கூட்டத்தில் பங்கேற்பதில் ஏற்பட்ட தாமதம் காரணமாக சுமாா் ஒருமணி நேரம் கவுன்சிலா்கள் காத்திருந்தனா். இதையடுத்து , கூட்டத்தை தேதி குறிப்பிடாமல் ஒத்திவைப்பதாக தலைவா் அறிவித்தாா். இதனால், வட்டார வளா்ச்சி அலுவலக அலுவலா்கள் ஏமாற்றம் அடைந்தனா்.