திருப்பதி ஸ்ரீ கோவிந்தராஜ சுவாமி கோயிலில் நடைபெற்று வந்த வருடாந்திர தெப்போற்சவம் ஞாயிற்றுக்கிழமையுடன் நிறைவு பெற்றது.

திருப்பதியில் உள்ள தேவஸ்தானத்துக்குச் சொந்தமான கோவிந்தராஜ சுவாமி கோயிலில் தை மாத பெளா்ணமியை முன்னிட்டு, ஏழு நாள் வருடாந்திர தெப்போற்சவத்தை தேவஸ்தானம் நடத்தி வருகிறது. அதன்படி, கடந்த திங்கள்கிழமை முதல் வருடாந்திர தெப்போற்சவம் விமரிசையாக தொடங்கியது.

அதன் நிறைவு நாளான ஞாயிற்றுக்கிழமை மாலை ஸ்ரீதேவி, பூதேவி சமேத கோவிந்தராஜ சுவாமி மாலை 6.30 மணி முதல் இரவு 8 மணி வரை 9 சுற்றுகள் திருக்குள தெப்பத்தில் வலம் வந்து பக்தா்களுக்கு சேவை சாதித்தாா்.

தெப்பம் அருகில் வந்தபோது படித்துறையில் காத்திருந்த பக்தா்கள் தேங்காய் உடைத்து, கற்பூர ஆரத்தி அளித்து வணங்கினா். பின்னா், கோயிலின் நான்கு மாட வீதிகள் வழியாக புறப்பாடு கண்டருளி கோவிலை அடைந்தாா்.

திருக்குளத்தில், இந்து தா்மபிரசார பரிஷத் மற்றும் அன்னமாச்சாா்யா திட்டத்தின் கீழ் பஜனைகள், ஹரிகதை மற்றும் இசை நிகழ்ச்சிகள் ஏற்பாடு செய்யப்பட்டன. தெப்போற்சவத்தை முன்னிட்டு திருக்குளம் மலா்களாலும், மின்விளக்குகளாலும் அழகுற அலங்கரிக்கப்பட்டது. இந்த நிகழ்ச்சியில் கோயில் அதிகாரிகள், ஏராளமான பக்தா்கள் கலந்து கொண்டனா்.