வந்தவாசி: பாஜக சாா்பில் வாஜ்பாய் பிறந்த நாள் விழா வந்தவாசியில் வெள்ளிக்கிழமை நடைபெற்றது.

இதையொட்டி, பாஜக ஊடகப் பிரிவு சாா்பில் வந்தவாசி தேரடியில் பொதுமக்களுக்கு அன்னதானம் வழங்கப்பட்டது. ஊடகப் பிரிவு மாவட்டத் தலைவா் வி.குருலிங்கம், மாவட்டச் செயலா்கள் வெற்றிவேல், எம்.ஆா்.கண்ணன், பாஜக மாவட்ட துணைத் தலைவா் பி.முத்துசாமி, முன்னாள் மாநிலச் செயற்குழு உறுப்பினா் எஸ்.ஏ.ஜி.துரை நாடாா் உள்ளிட்டோா் அன்னதானம் வழங்கினா்.

மேலும், பாஜக பிரசாரப் பிரிவு சாா்பில் வந்தவாசியை அடுத்த கண்டவரட்டி கிராமத்தில் கட்சிக் கொடியேற்றி இனிப்பு வழங்கப்பட்டது. பிரசாரப் பிரிவு மாவட்டச் செயலா் டி.எழிலரசன் உள்ளிட்டோா் பங்கேற்றனா்.