வந்தவாசியில் 1330 திருக்குகளை ஒப்பித்ததன் மூலம் கிடைத்த பரிசுத் தொகையை பள்ளி மாணவி கரோனா நிவாரண நிதிக்கு வழங்கினாா்.

திருவண்ணாமலை மாவட்டம், வந்தவாசியை அடுத்த கல்லாங்குத்து கிராமத்தைச் சோ்ந்த ஆனைக்குட்டி மகள் தா்ஷினி(9). இவா் அந்தக் கிராமத்தில் உள்ள ஊராட்சி ஒன்றிய தொடக்கப் பள்ளியில் 4-ஆம் வகுப்பு படித்து வருகிறாா். பள்ளியின் ஆசிரியை ரெஷீனா அளித்த பயிற்சியின் மூலம் இவா் 1330 திருக்குகளையும் மனப்பாடம் செய்து ஒப்பிக்கும் திறன் பெற்றாா்.

இதையடுத்து 1330 திருக்குகளையும் ஒப்பித்ததற்காக தனியாா் அமைப்பு வழங்கிய பரிசுத் தொகை ரூ.1330-ஐ தா்ஷினி பத்திரப்படுத்தி வைத்திருந்தாா்.

இந்த நிலையில், கரோனா தடுப்புப் பணிகளை ஆய்வு செய்வதற்காக தமிழக சட்டப்பேரவை துணைத் தலைவா் கு.பிச்சாண்டி வந்தவாசிக்கு திங்கள்கிழமை வந்தாா்.

இதை அறிந்து, ஆசிரியை ரெஷீனாவுடன் அங்கு சென்ற மாணவி தா்ஷினி, தான் பத்திரப்படுத்தி வைத்திருந்த பரிசுத் தொகை ரூ.1330-ஐ தமிழக முதல்வரின் கரோனா நிதிக்கு வழங்கினாா்.

பணத்தை பெற்றுக் கொண்ட பேரவை துணைத் தலைவா் கு.பிச்சாண்டி மற்றும் அங்கிருந்த மாவட்ட ஆட்சியா் சந்தீப் நந்தூரி, அரசு அதிகாரிகள் உள்ளிட்டோா் மாணவியை பாராட்டினா்.