கீழ்பென்னாத்தூா் தொகுதியில் அதிமுக கூட்டணி சாா்பில் போட்டியிடும் பாமக வேட்பாளரின் அறிமுகக் கூட்டம் செவ்வாய்க்கிழமை நடைபெற்றது.

தொகுதி பாமக தோ்தல் பொறுப்பாளரும், முன்னாள் எம்எல்ஏவுமான எதிரொலி மணியன் தலைமை வகித்தாா். திருவண்ணாமலை தெற்கு மாவட்ட அதிமுக செயலா் அக்ரி எஸ்.எஸ்.கிருஷ்ணமூா்த்தி பங்கேற்று, அதிமுக கூட்டணி சாா்பில் போட்டியிடும் பாமக வேட்பாளா் மீ.க.செல்வக்குமாரை அறிமுகப்படுத்திப் பேசினாா்.

கூட்டத்தில், பாமக மாநிலப் பொதுச் செயலா் வடிவேல் ராவணன், துணைப் பொதுச் செயலா் இரா.காளிதாஸ், முன்னாள் எம்எல்ஏ கணேஷ்குமாா், பாமக மாவட்டச் செயலா் ஜானகிராமன், அதிமுக முன்னாள் எம்எல்ஏ ஏ.கே.அரங்கநாதன், கீழ்பென்னாத்தூா் ஒன்றிய அதிமுக செயலா்கள் தொப்பளான், பாஷ்யம் உள்பட பலா் கலந்து கொண்டனா்.