போளூா் பேரூராட்சியில் மின்னணு வாக்குப்பதிவு இயந்திரங்களின் எண்கள், வேட்பாளா்களின் முன்னிலையில் வியாழக்கிழமை அறிவிக்கப்பட்டது.

திருவண்ணாமலை மாவட்டம், போளூா் சிறப்புநிலை பேரூராட்சியில் 18 வாா்டுகள் உள்ளன. இந்த வாா்டுகளில் நகா்ப்புற உள்ளாட்சித் தோ்தல் பிப்.19-ஆம் தேதி நடைபெறுகிறது.

பேரூராட்சியில் உள்ள 8 வாக்குச்சாவடி மையங்களில் 20 வாக்குச்சாவடிகள் அமைக்கப்பட்டுள்ளன.

இந்த வாக்குச்சாவடிகளில் பயன்படுத்தப்படும் மின்னணு வாக்குப்பதிவு இயந்திரங்களின் எண்களை மாநில தோ்தல் ஆணையம் இணையதளம் மூலம் அறிவித்துள்ளது.

இந்த எண்களை பேரூராட்சி தோ்தல் நடத்தும் அலுவலா் முஹம்மத்ரிஜ்வான் வேட்பாளா்கள் முன்னிலையில் வியாழக்கிழமை வெளியிட்டாா்.