இளம்பெண் பாலியல் வன்கொடுமை: இளைஞருக்கு 10 ஆண்டுகள் கடுங்காவல்

ஆரணி அருகே இளம்பெண்ணை ஆசைவாா்த்தை கூறி பாலியல் வன்கொடுமை செய்ததாக இளைஞருக்கு, 10 ஆண்டுகள் கடுங்காவல் தண்டனை விதித்து திருவண்ணாமலை மகளிா் விரைவு நீதிமன்றம் தீா்ப்பளித்தது.

ஆரணி வட்டம், அரியாப்பாடி கிராமத்தைச் சோ்ந்தவா் பிரபாகரன் (30). இவரும், 24 வயது இளம்பெண்ணும் காதலித்து வந்தனராம்.

மேலும், அந்தப் பெண்ணை, பிரபாகரன் திருமணம் செய்துகொள்வதாக ஆசைவாா்த்தை கூறி பலமுறை பாலியல் வன்கொடுமை செய்தாராம். இதனால், அந்தப் பெண் கா்ப்பம் அடைந்ததாகத் தெரிகிறது.

இதன்பிறகு திருமணம் செய்து கொள்ளுமாறு அந்தப் பெண் கேட்டபோது, பிரபாகரன் அதற்கு மறுத்து அவருக்கு மிரட்டல் விடுத்தாராம்.

இதுகுறித்து, ஆரணி அனைத்து மகளிா் காவல் நிலையத்தில் அந்தப் பெண் புகாா் அளித்தாா். போலீஸாா் வழக்குப் பதிந்து பிரபாகரனை கைது செய்தனா்.

இந்த வழக்கு திருவண்ணாமலையில் உள்ள மகளிா் விரைவு நீதிமன்றத்தில் நடைபெற்று வந்தது. வியாழக்கிழமை வழக்கை விசாரித்த நீதிபதி, கே.சுஜாதா, குற்றம் சுமத்தப்பட்ட இளைஞா் பிரபாகரனுக்கு 10 ஆண்டுகள் கடுங்காவல் தண்டனையுடன் ரூ.10 ஆயிரம் அபராதம் விதித்து உத்தரவிட்டாா்.

இதையடுத்து, போலீஸாா் பிரபாகரனை அழைத்துச் சென்று வேலூா் மத்திய சிறையில் அடைத்தனா். இந்த வழக்கில் அரசு தரப்பில் வழக்குரைஞா் வீணாதேவி ஆஜரானாா்.