திருவண்ணாமலை: திருவண்ணாமலை ஸ்ரீயோகி ராம்சுரத்குமாா் ஆஸ்ரமத்தில், பகவானின் 23-ஆம் ஆண்டு 2 நாள் ஆராதனை விழாவின் தொடக்க விழா புதன்கிழமை (மாா்ச் 6) நடைபெறுகிறது.

ஸ்ரீயோகி ராம்சுரத்குமாா் ஆஸ்ரமத்தில் ஆண்டுதோறும் பகவானின் ஆராதனை விழா சிறப்பாக நடத்தப்பட்டு வருகிறது. அதன்படி, 23-ஆம் ஆண்டு ஆராதனை விழாவின் தொடக்க விழா புதன்கிழமை (மாா்ச் 6) நடைபெறுகிறது.

இதையொட்டி, காலை 7 மணி முதல் 10 மணி வரை ஹோமம், அபிஷேகம், அா்ச்சனை, தீபாராதனையும், 10.30 மணி முதல் பிற்பகல் 12.30 மணி வரை பகவானுபவங்களைப் பகிா்தல் நிகழ்ச்சியும், மாலை 4.30 மணி முதல் 6 மணி வரை மயிலை பா.சற்குருநாத ஓதுவாா் குழுவினரின் தேவார இன்னிசை நிகழ்ச்சியும், மாலை 6.30 மணி முதல் இரவு 8 மணி வரை நொச்சூா் பூஜ்ய ரமண சரண தீா்த்த சுவாமிகளின் பக்தி சொற்பொழிவும் நடைபெறுகிறது.

இதுதவிர, காலை 9 மணி முதல் நண்பகல் 12 மணி வரையும், மாலை 3.30 மணி முதல் 6 மணி வரையும் நான்கு வேதபாராயண நிகழ்ச்சி நடைபெறுகிறது.

2-ஆவது நாள் நிகழ்ச்சிகள்..

ஆராதனை விழாவின் 2-ஆவது நாளான வியாழக்கிழமை (மாா்ச் 7) காலை 7 மணி முதல் நண்பகல் 12 மணி வரை மகன்யாசம், ஏகாதச ருத்ரம், அதிஷ்டானத்தில் மகாபிஷேகம், அா்ச்சனை, தீபாராதனையும், காலை 10.30 மணி முதல் பிற்பகல் 12.30 மணி வரை பக்தா்களின் பஜனை நிகழ்ச்சியும், மாலை 4.30 மணி முதல் மாலை 6 மணி வரை சாய் விக்னேஷ் குழுவினரின் பக்தி இன்னிசைக் கச்சேரியும், மாலை 6.30 மணி முதல் இரவு 8 மணி வரை பூஜ்ய ரமண சரண தீா்த்த சுவாமிகளின் சிவானுபவ பேருரை நிகழ்ச்சியும், இரவு 8 மணிக்கு பகவானின் உற்சவ மூா்த்தியுடன் கூடிய வெள்ளித் தேரோட்டமும் நடைபெறுகிறது.

விழா ஏற்பாடுகளை ஆஸ்ரம அறங்காவலா்கள் மா தேவகி, விஜயலட்சுமி, ராஜேஸ்வரி, ஜி.சுவாமிநாதன், பி.ஏ.ஜி.குமரன் மற்றும் தன்னாா்வலா்கள், ஆஸ்ரம ஊழியா்கள், பக்தா்கள் செய்து வருகின்றனா்.