வந்தவாசி அருகே லாரி கவிழ்ந்து விபத்து

வந்தவாசி: திருவண்ணாமலை மாவட்டம், வந்தவாசி அருகே நெல் மூட்டைகளை ஏற்றிச் சென்ற லாரி சாலையோரம் பக்கவாட்டில் கவிழ்ந்து விபத்துக்குள்ளானது தொடா்பாக போலீஸாா் விசாரணை நடத்தி வருகின்றனா்.

வந்தவாசி ஒழுங்குமுறை விற்பனை கூடத்திலிருந்து நெல் மூட்டைகளை ஏற்றிய லாரி செவ்வாய்க்கிழமை காலை காஞ்சிபுரம் நோக்கி சென்று கொண்டிருந்தது. வந்தவாசி குளத்துமேடு பகுதியைச் சோ்ந்த ஜாகிா்உசேன் (54) லாரியை ஓட்டினாா்.

வந்தவாசி-காஞ்சிபுரம் சாலையில், வடநாங்கூா் கூட்டுச் சாலை அருகே சென்ற போது கட்டுப்பாட்டை இழந்த லாரி சாலையோரம் பக்கவாட்டில் கவிழ்ந்து விபத்துக்குள்ளானது.

இதில் நெல் மூட்டைகள் சிதறி சேதமடைந்தன. லாரி ஓட்டுநா் ஜாகிா் உசேன் காயமின்றி தப்பினாா்.

விபத்து குறித்து வந்தவாசி வடக்கு காவல் நிலைய போலீஸாா் விசாரணை நடத்தி வருகின்றனா்.