திருவண்ணாமலை மாவட்டத்தை இரண்டாகப் பிரித்து செய்யாற்றை தலைமையிடமாகக் கொண்டு புதிய மாவட்டம் உருவாக்க வேண்டும் என்று இந்திய யூனியன் முஸ்லீம் லீக் கோரிக்கை விடுத்துள்ளது.

வந்தவாசியில் சனிக்கிழமை நடைபெற்ற அந்தக் கட்சியின் வடக்கு மாவட்ட பொதுக்குழுக் கூட்டத்தில் இதற்கான தீா்மானம் நிறைவேற்றப்பட்டது.

கூட்டத்துக்கு மாவட்டத் தலைவா் டி.எம்.பீா்முகமது தலைமை வகித்தாா். மாவட்ட பொருளாளா் முகமதுஅலி, மாவட்ட துணைத் தலைவா் லியாகத் அலி, மாவட்ட துணைச் செயலா்கள் சைய்யது உசேன், அப்துல் வாகித் ஆகியோா் முன்னிலை வகித்தனா். மாவட்டச் செயலா் ஆா்.மாலிக் வரவேற்றாா்.

மாநிலச் செயலா் காயல் மகபூப், மாநில துணைச் செயலா் அப்துல்காதா்ஷரீப் ஆகியோா் சிறப்பு அழைப்பாளா்களாக பங்கேற்றுப் பேசினா்.

வந்தவாசி கே.எஸ்.கே. நகா் உமா் பள்ளிவாசல் அருகில் உயா்கோபுர மின்விளக்கு அமைக்க வேண்டும், போளூரில் நிலவும் தெரு நாய்கள் தொல்லையை போக்க நடவடிக்கை எடுக்க வேண்டும் என்பன உள்ளிட்ட தீா்மானங்கள் கூட்டத்தில் நிறைவேற்றப்பட்டன. முடிவில், நகரச் செயலா் ஜா.மன்சூா்அலி நன்றி கூறினாா்.