வந்தவாசியை அடுத்த கீழ்நந்தியம்பாடி கிராமத்தில் சட்ட விழிப்புணா்வு முகாம் வெள்ளிக்கிழமை நடைபெற்றது.

வந்தவாசி வட்ட சட்டப் பணிகள் குழு சாா்பில் நடைபெற்ற இந்த முகாமில், குழந்தை திருமண தடைச் சட்டம் குறித்து ஊரக வேலைத் திட்ட பெண் தொழிலாளா்களுக்கு விளக்கிக் கூறப்பட்டது.

குழந்தை திருமண தடைச் சட்டம், குழந்தை திருமணத்தால் ஏற்படும் தீமைகள், பெண் கல்வி உள்ளிட்டவை குறித்து வழக்குரைஞா் சா.இரா.மணி, ஓய்வுபெற்ற நீதிமன்ற ஊழியா் த.நடராஜன் ஆகியோா் விளக்கிப் பேசினா்.

முகாமில் சட்டப் பணிகள் குழு தன்னாா்வலா் சுப்பராயன், ஓய்வுபெற்ற ஆசிரியா் பழனி உள்ளிட்டோா் பங்கேற்றனா். ஊராட்சி பணித்தள பொறுப்பாளா் வனிதா நன்றி கூறினாா்.