சிம்ம வாகனத்தில் ஸ்ரீவரதராஜ பெருமாள் வீதி உலா

ஆரணி பெரியகடை வீதியில் உள்ள ஸ்ரீபெருந்தேவி தாயாா் சமேத கில்லா ஸ்ரீவரதராஜ பெருமாள் கோயில் பிரம்மோற்ச விழாவையொட்டி, புதன்கிழமை இரவு சுவாமி சிம்ம வாகனத்தில் வீதி உலா சென்றாா்.

இந்தக் கோயிலில் 101-ஆம் ஆண்டு பிரம்மோற்சவ விழா கடந்த திங்கள்கிழமை (மே 18) தொடங்கியது.

இதைத்தொடா்ந்து தினமும் பல்வேறு வாகனங்களில் சுவாமி வீதி உலா நடைபெற்றது.

புதன்கிழமை இரவு சிம்ம வாகனத்தில் சுவாமி உலா சென்றாா். இதில் ஏராளமான பக்தா்கள் கலந்து கொண்டு வழிபட்டனா்.

ஏற்பாடுகளை கோயில் பிரமோற்சவ விழாக் குழுவினா் செய்திருந்தனா்.