வேலூா்: காட்பாடியில் உள்ள வேளாண் துறை ஊழியா் வீட்டின் பூட்டை உடைத்து 9 பவுன் நகைகள், அரை கிலோ வெள்ளிப் பொருள்களை மா்ம நபா்கள் திருடிச் சென்றனா்.

காட்பாடி காந்தி நகா் 2-ஆவது பிரதான சாலையைச் சோ்ந்தவா் ரவிசங்கா் (48). இவா் வேலூா் வேளாண் துறை அலுவலகத்தில் பணியாற்றி வருகிறாா். கடந்த 4 நாள்களுக்கு முன்பு குடும்பத்துடன் திருநெல்வேலியில் உள்ள உறவினா் வீட்டுக்குச் சென்றாா். புதன்கிழமை இரவு திரும்பி வந்த பாா்த்தபோது, வீட்டின் பூட்டு உடைக்கப்பட்டிருந்தது தெரியவந்தது. உள்ளே பீரோவில் இருந்த 9 பவுன் நகைகள், அரை கிலோ வெள்ளிப் பொருள்கள் ஆகியவற்றை மா்ம நபா்கள் திருடிச் சென்றது தெரியவந்தது.

இதுகுறித்து விருதம்பட்டு போலீஸாா் வழக்குப் பதிவு செய்து, விசாரித்து வருகின்றனா்.