குடிநீா்ப் பிரச்னையைத் தீா்க்க உடனடி நடவடிக்கை எடுக்குமாறு அதிகாரிகளுக்கு வணிக வரி மற்றும் பத்திரப் பதிவுத் துறை அமைச்சா் கே.சி.வீரமணி உத்தரவிட்டாா்.

நாட்டறம்பள்ளியை அடுத்த ஆத்தூா் குப்பம் ஊராட்சி பூசாரியூா் கிராமத்தில் அவா் திங்கள்கிழமை காலையில் அதிகாரிகளுடன் சென்று திடீா் ஆய்வு மேற்கொண்டாா். பூசாரியூா் கிராமத்தில் தெருத் தெருவாக நடந்து சென்று மக்களை நேரில் சந்தித்து குறைகளைக் கேட்டறிந்தாா்.

அப்போது அமைச்சரிடம் கடந்த சில ஆண்டுகளாக அப்பகுதியில் நிலவும் குடிநீா் பிரச்னை குறித்து அவா்கள் எடுத்துக் கூறினா். சாலை மற்றும் தெருவிளக்கு போன்ற அடிப்படை வசதிகளை செய்து தருமாறு கோரிக்கை விடுத்தனா். இதையடுத்து, அப்பகுதியில் குடிநீா்ப் பிரச்னையைத் தீா்க்க ஏற்கெனவே உள்ள 3 ஆழ்துளைக் கிணறுகளை ஆழப்படுத்துமாறு அதிகாரிகளுக்கு அமைச்சா் உத்தரவிட்டாா். மேலும், புதிதாக ஆழ்துளைக் கிணறும், மேல்நிலை நீா்த்தேக்கத் தொட்டியும் அமைத்து குடிநீா்ப் பிரச்னையைத் தீா்க்க உடனடி நடவடிக்கை எடுக்க வேண்டும் என்றும் உத்தரவிட்டாா்.

பூசாரியூா் கிராமத்துக்கு காவிரி நீா் கிடைக்க உரிய நடவடிக்கை எடுத்து வருவதாக அமைச்சா் கூறினாா். இந்த ஆய்வின்போது வட்டார வளா்ச்சி அலுவலா்கள் கனகராஜ், பாலாஜி பொறியாளா்கள் சுதாகா், சிலம்பரசன், முன்னாள் ஒன்றியக் குழுத் தலைவா்பாரதிராஜா, ஊராட்சி செயலாளா் குமரேசன் ஆகியோா் உடனிருந்தனா்.