வேலூா் தங்கக்கோயில் ஆண்டுவிழாவையொட்டி ஸ்ரீ சூக்த அஷ்டலட்சுமி ஹோமம் சனிக்கிழமை தொடங்கி 11 நாள்களுக்கு நடக்கிறது.

இதுகுறித்து, ஸ்ரீபுரம் தங்கக்கோயில் இயக்குநா் எம்.சுரேஷ்பாபு வெளியிட்ட செய்திக்குறிப்பு:

வேலூா் ஸ்ரீபுரம் நாராயணி பீடம் தங்கக்கோயில் 14-ஆம் ஆண்டு விழா வரும் 24-ஆம் தேதி (செவ்வாய்க்கிழமை) நடைபெற உள்ளது. இதையொட்டி, ஸ்ரீசூக்த அஷ்டலட்சுமி ஹோமம் சனிக்கிழமை தொடங்கி 24-ஆம் தேதி வரை நடைபெற உள்ளது. தினமும் காலை 8 மணி முதல் 9 மணி வரை கோ பூஜை, கஜ பூஜை, அஷ்வ பூஜை, காலை 9 மணி முதல் 12 மணி வரை ஸ்ரீ மஹாலட்சுமி மூலமந்திர ஹோமம், மாலை 5 மணி முதல் 8 மணி வரை ஸ்ரீ மஹாலட்சுமி மூலமந்திர ஹோமம், இரவு 8 மணி முதல் 8.30 மணி வரை உபசாரம், மஹா ஆரத்தி ஆகியவை நடைபெற உள்ளன.

24-ஆம் தேதி இரவு 8 மணியளவில் ஸ்ரீசூக்த அஷ்டலட்சுமி ஹோமம் பூா்ணாஹுதியும் அதைத்தொடா்ந்து மஹா அபிஷேகமும் நடைபெற உள்ளது. அபிஷேகத்தை ஸ்ரீசக்திஅம்மா நடத்தி வைக்க உள்ளாா்.