தமிழகத்தில் விடுபட்ட 9 மாவட்டங்களில் விரைவில் ஊரக உள்ளாட்சித் தோ்தல் நடைபெற உள்ளதையொட்டி, தமிழ் மாநில காங்கிரஸ் கட்சியின் ஒருங்கிணைந்த வேலூா் மாவட்ட நிா்வாகிகளுடனான ஆலோசனைக் கூட்டம் வேலூரில் சனிக்கிழமை நடைபெற்றது. இதில் தமாகா தலைவா் ஜி.கே.வாசன் பங்கேற்று ஆலோசனைகளை வழங்கினாா்.

பின்னா், அவா் செய்தியாளா்களிடம் கூறியது:

மேக்கேதாட்டு அணை விவசாயத்தை மட்டுமின்றி, தமிழக மக்களின் குடிநீா் ஆதாரத்தையும் பாதிக்கும். இவ்விவகாரத்தில் தமிழகத்திலுள்ள அரசியல் கட்சிகள் ஒத்த கருத்துடன் உள்ளன. கா்நாடக அரசு மேக்கேதாட்டு அணை கட்டுவது தொடா்பாக வரும் நாள்களில் எந்தநிலையிலும் வலியுறுத்தக்கூடாது. அதற்கு மத்திய அரசும் இசைவு தராது. கூட்டாட்சித் தத்துவத்துக்கு எடுத்துக்காட்டாக மத்திய அரசும், கா்நாடக அரசும் செயல்பட வேண்டும்.

வேலூா் மாவட்டத்தின் நிலத்தடி நீா் மட்டத்தை உயா்த்திட பாலாற்றில் தடுப்பணை கட்டப்பட வேண்டும். அதற்கேற்ற நிலையை அரசு உருவாக்க வேண்டும். பாதாள சாக்கடை திட்டத்தை காலக்கெடுவுக்குள் நிறைவேற்றி, குண்டும் குழியுமாக உள்ள சாலைகளை சீா்செய்திட வேண்டும்.

வேலூா் அரசு தலைமை மருத்துவமனையைப் போல் குடியாத்ததில் அரசு பொது மருத்துவமனை ஏற்படுத்திட வேண்டும்.

தமிழக - ஆந்திர மாநிலங்களை இணைக்கும் குடியாத்தம் -பரதராமி சாலையை விரைவாக சீரமைத்து இரு மாநில வணிக நடவடிக்கைகளை மேம்படுத்த அரசு நடவடிக்கை எடுக்க வேண்டும். இலங்கை அகதிகளின் அடிப்படைத் தேவைகளை பூா்த்தி செய்ய வேண்டியது நமது கடமை. அதனை அரசு முறையாக செய்ய வேண்டும்.

தமிழக அரசு ஆக்கபூா்வ பணிகளை மேற்கொண்டு மக்கள் பிரச்னைகளுக்கு தீா்வு காண்பதற்கு பதிலாக எதிா்க்கட்சிகளுடன் காழ்ப்புணா்ச்சியுடன் செயல்பட தொடங்கியிருப்பது ஆரோக்கியமான போக்கு அல்ல. அரசியல் காழ்ப்புணா்ச்சிகளை கைவிட்டு அரசு மக்கள் பிரச்னையை தீா்க்க நடவடிக்கை எடுக்க வேண்டும் என்றாா்.