திருப்பத்தூா், வேலூா், ராணிப்பேட்டை மாவட்டங்களில் கமல்ஹாசன் நாளை பிரசாரம்

வேலூா்: மக்கள் நீதி மய்யம் கட்சியின் தலைவா் கமல்ஹாசன், திருப்பத்தூா், வேலூா், ராணிப்பேட்டை மாவட்டங்களில் புதன்கிழமை (ஜன. 6) தோ்தல் பிரசாரத்தில் ஈடுபட உள்ளாா்.

இது தொடா்பாக அக்கட்சியின் ஊடகப் பிரிவு திங்கள்கிழமை வெளியிட்ட செய்திக்குறிப்பு:

தமிழகம் முழுவதும் தோ்தல் பிரசார சுற்றுப்பயணம் மேற்கொண்டுள்ள கமல்ஹாசன், திருப்பத்தூா் மாவட்டம், ஆம்பூரில் புதன்கிழமை காலை 11.30 மணிக்கும், அதைத் தொடா்ந்து குடியாத்தத்தில் 12.20 மணிக்கும், புத்தூா் அணைக்கட்டில் 1.30 மணிக்கும் பிரசாரம் செய்ய உள்ளாா்.

பின்னா், மாலை 5 மணிக்கு காட்பாடியில் கட்சி தொண்டா்களை சந்திக்கும் அவா், இரவு 7.15 மணிக்கு ஆரணியில் தோ்தல் பிரசாரம் செய்ய உள்ளாா். இதையடுத்து, 7.20 மணிக்கு ஆரணியில் கட்சி தொண்டா்களை சந்திக்கும் அவா், இரவு 8.30 மணிக்கு ஆற்காடு, 8.50 மணிக்கு வாலாஜாப்பேட்டை, 11 மணிக்கு சென்னையிலும் பிரசாரத்தில் ஈடுபட உள்ளாா்.