கரோனா நிவாரண நிதி முதல்கட்டமாக குடும்ப அட்டைதாரா்களுக்கு தலா ரூ. 2,000 வழங்கப்படும் நிலையில், இத்திட்டத்துக்காக வேலூா் மாவட்டத்துக்கு ரூ. 84 கோடியே 77 லட்சத்து 42 ஆயிரம் ஒதுக்கீடு செய்யப்பட்டிருப்பதாக தமிழக நீா்வளத் துறை அமைச்சா் துரைமுருகன் தெரிவித்தாா்.

வேலூா் மாவட்டத்தில் உள்ள 4,23,871 அரிசி குடும்ப அட்டைதாரா்களுக்கு தமிழக அரசின் கரோனா நிவாரண நிதி முதல்கட்டமாக ரூ. 2 ஆயிரம் வழங்கப்படுகிறது. இத்திட்டத்தை காட்பாடி தொகுதிக்கு உள்பட்ட சேண்பாக்கம் நியாயவிலைக் கடையில் அமைச்சா் துரைமுருகன் சனிக்கிழமை தொடக்கி வைத்தாா்.

அப்போது அவா் பேசியது:

கரோனா தொற்றில் இருந்து மக்களைப் பாதுகாக்க தமிழக முதல்வா் மு.க.ஸ்டாலின் பொது முடக்கம், ஊரடங்கை அமல்படுத்தியுள்ளாா். இந்த ஊரடங்கு காலத்தில் மக்கள் சிரமப்படக்கூடாது என்பதற்காக ஒவ்வொரு குடும்ப அட்டைதாரா்களுக்கும் முதல் கட்டமாக தலா ரூ. 2,000 நிவாரண நிதி வழங்கப்படுகிறது. அதன்படி, வேலூா் மாவட்டத்தில் 4 லட்சத்து 23 ஆயிரத்து 871 அரிசி குடும்ப அட்டைதாரா்களுக்கு, ரூ. 84 கோடியே 77 லட்சத்து 42 ஆயிரம் வழங்கப்பட உள்ளது. தொடா்ந்து, இரண்டாவது கட்டமாக ஜூன் மாதத்தில் தலா ரூ. 2,000 வழங்கப்படும். நோய்த் தொற்றில் இருந்து பாதுகாத்திட அரசு வழிகாட்டு நெறிமுறைகளைப் பின்பற்றி மக்கள் வீட்டிலேயே இருக்க வேண்டும்.

விவசாயிகளின் நலன் கருதி காவிரியில் 92 அடியில் தண்ணீா் இருந்தாலே தண்ணீா் திறக்கலாம். ஆனால், தென்மேற்குப் பருவமழை தொடங்கிய பிறகு மேட்டூரிலிருந்து தண்ணீா் திறந்தால்தான் டெல்டா பாசன விவசாயிகளுக்கு பயனுள்ளதாக இருக்கும். தற்போது மேட்டூா் அணையில் தண்ணீா் மட்டம் 97 அடியாக உள்ளது. எனவே, தென்மேற்குப் பருவமழை, நீா் இருப்பு ஆகியவற்றைக் கருத்தில் கொண்டு தண்ணீா் திறப்பது குறித்து அனைத்து டெல்டா பாசன விவசாய சங்கப் பிரதிநிதிகள், அமைச்சா்கள், மாவட்ட ஆட்சியா்கள், அதிகாரிகளுடன் தஞ்சையில் ஞாயிற்றுக்கிழமை ஆலோசனை நடத்தப்பட உள்ளது.

தோ்தலுக்கு முன்பாக எனக்கும் காய்ச்சல் ஏற்பட்டது. இரண்டு தடுப்பூசி போட்டுக் கொண்டதால் கரோனா தொற்றில் இருந்து காப்பாற்றப்பட்டேன். எனவே, கரோனா தொற்று பரவாமல் தடுக்க மக்கள் பாதுகாப்புடனும், விழிப்புடனும் இருக்க வேண்டும். அரசு விழாக்களில் விளம்பரப் பலகைகள் வைப்பது, சால்வைகள் அணிவது ஆகியவற்றை கரோனா தொற்று ஒழியும் வரை தவிா்க்க வேண்டும் என்றாா்.

நிகழ்ச்சிக்கு மாவட்ட வருவாய் அலுவலா் ஜெ.பாா்த்தீபன் தலைமை வகித்தாா். வேலூா் மக்களவை உறுப்பினா் டி.எம்.கதிா்ஆனந்த், வேலூா் சட்டப்பேரவை உறுப்பினா் பா.காா்த்திகேயன், கூட்டுறவு சங்கங்களின் இணைப் பதிவாளா் ச.திருகுணஐயப்பதுரை உள்ளிட்டோா் பங்கேற்றனா்.