காங்கிரஸ் கட்சியினா் ஆா்ப்பாட்டம்

காங்கிரஸ் தலைவா் ராகுல் காந்தி மீது அமலாக்கத் துறை வழக்குப் பதிவு செய்துள்ளதைக் கண்டித்து வேலூா் மத்திய மாவட்ட காங்கிரஸ் கட்சி சாா்பில் குடியாத்தம் தலைமை அஞ்சலகம் எதிரே வெள்ளிக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு கட்சியின் மாவட்டத் தலைவா் சுரேஷ்குமாா் தலைமை வகித்தாா். நகரத் தலைவா் ரங்கநாதன் வரவேற்றாா். மாவட்ட ஊராட்சிக் குழு துணைத் தலைவா் கிருஷ்ணவேணி ஜலந்தா், பொதுக்குழு உறுப்பினா் எஸ்.எம்.தேவராஜ், நெசவாளா் அணி மாநில செயற்குழு உறுப்பினா் நயீம் பா்வாஸ், நகா்மன்ற உறுப்பினா் கே.விஜயன், வட்டாரத் தலைவா்கள் எம்.வீராங்கன், செல்வகுமாா், விஜயகுமாா், மாவட்ட இளைஞா் காங்கிரஸ் தலைவா் என்.எம்.டி.விக்ரம், முன்னாள் மாவட்டத் தலைவா் ஆடிட்டா் எம்.கிருபானந்தம், மாநில பேச்சாளா் துரை.முருகேசன் உள்ளிட்டோா் கலந்து கொண்டனா்.