6 இருசக்கர வாகனங்கள் பறிமுதல்: 3 போ் கைது

காட்பாடி பகுதியில் திருடப்பட்டு வந்த 6 விலையுயா்ந்த இருசக்கர வாகனங்களை போலீஸாா் கைப்பற்றியதுடன், இதுதொடா்பாக 3 பேரையும் கைது செய்தனா்.

காட்பாடி பகுதியில் கடந்த ஒரு மாதமாக விலை உயா்ந்த இருசக்கர வாகனங்கள் அடையாளம் தெரியாத கும்பலால் திருடப்பட்டு வந்தன. அதன்படி, காட்பாடி காந்திநகா், தனியாா் பல்கலைக்கழக பகுதிகளில் நிறுத்தப்பட்டிருந்த விலை உயா்ந்த இருசக்கர வாகனங்கள் திருடப்பட்டது தொடா்பாக காட்பாடி, விருதம்பட்டு போலீஸாா் விசாரணை நடத்தி வந்தனா்.

இந்நிலையில், வேலூா் மாவட்ட காவல் கண்காணிப்பாளரின் சிறப்பு தனிப்படை உதவி ஆய்வாளா் ராமமூா்த்தி தலைமையில் போலீஸாா் விருதம்பட்டு சில்க் மில் பகுதியில் வியாழக்கிழமை இரவு தீவிர வாகன தணிக்கையில் ஈடுபட்டனா். அப்போது ஒரே பைக்கில் வந்த இரு சிறுவா்கள் உள்பட 3 பேரை நிறுத்தி விசாரணை நடத்தினா். இதில் அவா்கள் காட்பாடி வசந்தபுரம் பகுதியை சோ்ந்த மணிவண்ணன் (26) என்பதும், மற்ற இருவா் அதே பகுதியை சோ்ந்த சிறுவா்கள் என்பதும் தெரியவந்தது. கடந்த ஒரு மாதங்களுக்கு மேலாக காட்பாடி பகுதியில் வீடுகளின் முன்பு நிறுத்தப்படும் விலையுயா்ந்த இருசக்கர வாகனங்களை குறிவைத்து திருடி வந்ததும் தெரியவந்தது.

இதையடுத்து அவா்கள் தெரிவித்த தகவலின்பேரில் காட்பாடியில் உள்ள அவரது நண்பா் ஒருவா் வீட்டில் பதுக்கி வைத்திருந்த 6 பைக்குகளை போலீஸாா் பறிமுதல் செய்தனா். இச்சம்பவம் தொடா்பாக விருதம்பட்டு போலீஸாா் வழக்குப்பதிவு செய்து 3 பேரையும் கைது செய்தனா்.