நியாயவிலைக் கடை கட்ட பூமி பூஜை

குடியாத்தம் ஒன்றியம், கொண்டசமுத்திரம் ஊராட்சிக்குள்பட்ட ராஜாகோயில் கிராமத்தில் ரூ.14 லட்சத்தில் புதிதாக நியாயவிலைக் கடை கட்ட வியாழக்கிழமை பூமி பூஜை நடைபெற்றது.

கே.வி.குப்பம் எம்எல்ஏ எம்.ஜெகன்மூா்த்தி தனது தொகுதி மேம்பாட்டு நிதியில் இருந்து இந்தப் பணிக்கு நிதி ஒதுக்கி, அடிக்கல் நாட்டி பணியைத் தொடக்கி வைத்தாா் (படம்).

மாவட்ட மத்திய கூட்டுறவு வங்கித் தலைவா் வி.ராமு, புரட்சி பாரதம் கட்சி மாவட்டச் செயலா் பி.மேகநாதன், தொடக்க வேளாண் கூட்டுறவுக் கடன் சங்கத் தலைவா் எஸ்.எல்.எஸ்.வனராஜ், நிலவள வங்கி இயக்குநா் எஸ்.எஸ்.ரமேஷ்குமாா், கொண்டசமுத்திரம் ஊராட்சித் தலைவா் அகிலாண்டேஸ்வரி பிரேம்குமாா், துணைத் தலைவா் ராஜாத்தி தமிழ்ச்செல்வன், ஒன்றியக் குழு உறுப்பினா் வி.சோபன்பாபு, முன்னாள் ரோட்டரி சங்கத் தலைவா் டி.என்.ராஜேந்திரன், முன்னாள் ஒன்றியக் குழு உறுப்பினா் தேவராஜ் உள்ளிட்டோா் கலந்து கொண்டனா்.