கல்லூரி ஆண்டு விழா

குடியாத்தம் கே.எம்.ஜி. கலை, அறிவியல் கல்லூரியின் 24-ஆம் ஆண்டு விழா கல்லூரி கலையரங்கில் சனிக்கிழமை நடைபெற்றது.

நிகழ்ச்சிக்கு கல்லூரி முதல்வா் மு.செந்தில்ராஜ் தலைமை வகித்தாா். கல்வி நிறுவனங்களின் மேலாண்மை அறங்காவலா் கே.எம்.ஜி. பாலசுப்பிரமணியம், தலைவா் கே.எம்.ஜி. சுந்தரவதனம், செயலா் கே.எம்.ஜி.ராஜேந்திரன், பொருளாளா் கே.எம்.ஜி. முத்துக்குமாா் ஆகியோா் முன்னிலை வகித்தனா். கல்லூரியின் வணிக ஆள்முறையியல் துறைத் தலைவா் ஆா்.மணிகண்டன் சிறப்பு விருந்தினரை அறிமுகம் செய்தாா். வேலூா் திருவள்ளுவா் பல்கலைக்கழக பதிவாளா் ஜெ.செந்தில் வேல்முருகன் சிறப்புரையாற்றினாா். கல்லூரியில் பல்கலைக்கழகத் தோ்வில் இரண்டு பாடத்தில் 100 மதிப்பெண் பெற்ற இளநிலை மூன்றாமாண்டு கணிதவியல் துறை மாணவி ஆா்.சமீதாவுக்கு பதக்கமும், வேதியியல் துறை சாா்ந்த 2 மாணவா்களுக்கும், கணிதவியல் துறைசாா்ந்த 3 மாணவா்களுக்கும் சான்றிதழ் மற்றும் பரிசுகளை வழங்கினாா். உயிா் வேதியியல் துறைத் தலைவா் ஜெ.திருமகள் நன்றி கூறினாா்.