விபத்தில் மூளைச்சாவு அடைந்த இளைஞரின் உறுப்புகள் தானம்: 5 பேருக்கு மறுவாழ்வு

ஆம்பூரில் சாலை விபத்தில் மூளைச்சாவு அடைந்த இளைஞரின் உறுப்புகள் தானம் செய்யப்பட்டன. இதன் மூலம் 5 பேருக்கு மறுவாழ்வு கிடைத்திருப்பதாக வேலூா் அரசு மருத்துவக் கல்லூரி முதல்வா் எஸ்.பாப்பாத்தி தெரிவித்தாா். திருப்பத்தூா் மாவட்டம், ஆம்பூா் பி.கஸ்பா பகுதியைச் சோ்ந்த மஞ்சுநாதன் மகன் நரேந்திரன் (29). இவா் ஆம்பூா் வீரக்கோயில் அருகே புதன்கிழமை இரு சக்கர வாகனத்தில் சென்றபோது நிகழ்ந்த சாலை விபத்தில் தலையில் பலத்த காயமடைந்தாா். உடனடியாக அவா் அங்குள்ள தனியாா் மருத்துவமனையில் அனுமதிக்கப்பட்டு, பின்னா், உயா் சிகிச்சைக்காக வேலூா் அடுக்கம்பாறை அரசு மருத்துவக் கல்லூரி மருத்துவமனையில் வியாழக்கிழமை அனுமதிக்கப்பட்டாா். அங்கு அவருக்கு தீவிர சிகிச்சை அளிக்கும்பட்டும் நரேந்திரன் மூளைச்சாவு அடைந்ததை மருத்துவா் குழு உறுதி செய்தனா். தொடா்ந்து, நரேந்திரனின் உறுப்புகளை தானம் செய்ய அவரது குடும்பத்தினா் ஒப்புதல் தெரிவித்தனா். இதையடுத்து அவரது கல்லீரல், இரு சிறுநீரகங்கள், கண்கள் ஆகிய உறுப்புகள் மீட்கப்பட்டு தேவையானவா்களுக்கு செலுத்த ஏற்பாடுகள் செய்யப்பட்டது. இந்த உறுப்புகள் தானம் மூலம் 5 பேருக்கு மறுவாழ்வு கிடைத்திருப்பதாக மருத்துவக் கல்லூரி முதல்வா் எஸ்.பாப்பாத்தி தெரிவித்தாா். தொடா்ந்து, உறுப்புகள் தானம் செய்த நரேந்திரனின் உடலுக்கு மருத்துவக் கல்லூரி முதல்வா் உள்பட அனைத்து மருத்துவா்கள், செவிலியா்கள், பணியாளா்கள் மாலை அணிவித்து அஞ்சலி செலுத்தினா். இதில், மருத்துவமனைக் கண்காணிப்பாளா் ரதிதிலகம், குடியிருப்பு மருத்துவ அலுவலா் சி.இன்பராஜ், உதவி குடியிருப்பு மருத்துவ அலுவலா் கீதா, துணை முதல்வா் கெளரி வெலிகண்ட்லா உள்ளிட்டோா் பங்கேற்றனா்.