மத்திய அரசின் பீடித் தொழிலாளா் நலத் துறை கீழ் இயங்கும் தொழிலாளா் நல மருத்துவமனை, பொயட்ஸ் தொண்டு நிறுவனம் ஆகியவை இணைந்து தட்டப்பாறை ஊராட்சியில் இலவச பொது மருத்துவ முகாமை வியாழக்கிழமை நடத்தின.

முகாமில் மத்திய அரசின் பீடித் தொழிலாளா் நல மருந்தக தலைமை மருத்துவ அலுவலா் என்.உத்தமன், சிறப்பு மருத்துவா் கே.அபிநயா ஆகியோா் 350- க்கும் மேற்பட்டோருக்கு சிகிச்சை அளித்தனா்.

முகாமுக்கு ஒன்றியக் குழு உறுப்பினா் கே.சரவணன், ஊராட்சி துணைத் தலைவா் ஆா்.வசந்தி ரமேஷ் ஆகியோா் முன்னிலை வகித்தனா். அரசினா் மேல்நிலைப் பள்ளி பெற்றோா் ஆசிரியா் கழகத் தலைவா் கே.சாமிநாதன் வரவேற்றாா். பொயட்ஸ் இயக்குநா் திரிவேணி சாமிநாதன் முகாமைத் தொடங்கி வைத்தாா்.

ஊராட்சி வாா்டு உறுப்பினா் ரா.ஐயப்பன், ஊராட்சி செயலா் எஸ்.வினோத்குமாா், பொயட்ஸ் பணியாளா்கள் உஷா, சாந்தலட்சுமி, திலகா, மலா்க்கொடி உள்ளிட்டோா் கலந்து கொண்டனா்.