விஜயா வாசகா் வட்டத்தின் அ.முத்துலிங்கம் விருதுக்கு மொழிபெயா்ப்பாளா் கல்யாண் ராமன் தோ்வு

கோவை விஜயா வாசகா் வட்டத்தின் சிறந்த மொழிபெயா்ப்பாளருக்கான அ.முத்துலிங்கம் விருதுக்கு கல்யாண் ராமன் தோ்வு செய்யப்பட்டுள்ளாா்.

இது குறித்து விஜயா வாசகா் வட்டம் கூறியிருப்பதாவது: கோவை விஜயா வாசகா் வட்டம் சாா்பில் தமிழில் இருந்து ஆங்கிலத்துக்கு மொழியாக்கம் செய்யும் சிறந்த மொழிபெயா்ப்பாளருக்கான அ.முத்துலிங்கம் விருதுக்கு சென்னையைச் சோ்ந்த மொழிபெயா்ப்பாளா் கல்யாண் ராமன் தோ்வு செய்யப்பட்டுள்ளாா். பட்டயத்துடன் ரூ.1 லட்சம் வழங்கப்படும் இந்த விருதுத் தொகையை காரமடை சவிதா மருத்துவமனை மருத்துவா் சசித்ரா தாமோதரன் ஆண்டுதோறும் வழங்கி வருகிறாா்.

சமகால தமிழ் புனைகதை, கவிதைகளை ஆங்கிலத்தில் மொழியாக்கம் செய்து வரும் கல்யாண் ராமன், கடந்த 25 ஆண்டுகளில் அசோகமித்திரன், பூமணி, தேவிபாரதி, பெருமாள் முருகன் உள்ளிட்ட எழுத்தாளா்களின் 15 தமிழ் புனைகதைப் படைப்புகளை ஆங்கிலத்தில் மொழியாக்கம் செய்துள்ளாா்.

பெருமாள் முருகன் எழுதிய பூனாச்சி நூலின் மொழிபெயா்ப்புக்காக கடந்த 2022 -ஆம் ஆண்டு சாகித்திய அகாதெமியின் மொழிபெயா்ப்புக்கான பரிசு, புதுமைப்பித்தன் நினைவு விருது உள்ளிட்ட பல்வேறு விருதுகளைப் பெற்றுள்ளாா்.

பல ஆண்டுகளாகத் தொடா்ந்து அவா் ஆற்றிவரும் மொழிபெயா்ப்புப் பணியைப் பாராட்டும் விதமாக, 2025- ஆம் ஆண்டுக்கான அ.முத்துலிங்கம் விருதுக்கு அவரைத் தோ்வு செய்திருப்பதாக நடுவா் குழு தெரிவித்துள்ளது.

கோவை பிஎஸ்ஜி பொறியியல் கல்லூரியில் பிப்ரவரி 9- ஆம் தேதி மாலை நடைபெறும் விழாவில் உயா்நீதிமன்ற நீதியரசா் ஜி.ஆா்.சுவாமிநாதன் பங்கேற்று, கல்யாண் ராமனுக்கு விருது வழங்குகிறாா். விழாவில் கவிஞா் ரவிசுப்பிரமணியன், எழுத்தாளா் பாவண்ணன், அழகரசன் ஆகியோா் பங்கேற்க உள்ளனா்.

அ.முத்துலிங்கம் விருதை கடந்த ஆண்டுகளில் பிரியம்வதா ராம்குமாா், ச.தில்லைநாயகம் ஆகியோா் பெற்றுள்ளனா்.